منتديات مسك الغلا

منتديات مسك الغلا (/vb/)
-   همومنا ومشاكلنا وإحتياجاتنا الشخصيه ( مشكلتي ) (https://www.al2la.com/vb/f77.html)
-   -   زوجي اهانني (https://www.al2la.com/vb/t94258.html)

مشكلتي 02-08-19 11:04 PM

زوجي اهانني
 
السلام عليكم
كيفكم !
انا متزوجه ومشاكلي مع الزوج ذا ماتنتهي والله العظيم السبب هو مب أنا انا يمكن ماافهمه صح بس وش اسوي تعبت منه يمين الله تعب ووجع قلبي
جاب لي ضغط - قولون - كرهني الرجال
قبل كنت غير احب أسعده والحين لا كرهته ياناس . تخيلو انا ابي منه اهتمام عدم تطنيش اذا طلع مع أصحابه واعاتب واخاصم ويفهم غلط يكبر يقول انا عطيتك وجهه انا انا انا حط كل البلى فيني ي جماعة ، ماعمري والله تمنيت له شي شر يقول اني اشك فيه عشان بس اساله وين رائح عشان ماقلق ويقول اني ادقق ويقول اني نشبه -😭😭😭
حسبي الله هذه نهاية الحب المشكله أحبه مررره مااقدر أتخلى عنه وش اسوي ودي اطلب الطلاق لان والله مايهتم فيني بس عنده الحياه عمل ولازم اقدر عمله
طيب طول السنه انا ماعرف وشلون صبرت عليه كل ذا الأيام والله طفشت منه كرهته اذا زعل لازم انا أراضي احس كأني عنده جاريه وع قولته صبر على كلامي كثيررررررر كثير مايقدر أتحمل البارح أتخصامنااا قلت نبدأ صفحة جديده طنش كلامي مارد بعدين قلت ليه تطنش وقام وقال انه خلاص مايبيني في حياته وطفش مني ومن كلامي وانا مااستاهل اي شي سويته له
اش اسوي تخيلو أكلمه مطنش أقوله خلاص أنسى مطنش اخر شي قال
لاعاد تكلميني واضح انا طالع
وتخيلو انا وحيده اهلي بمنطقة ثانيه
وش رأيكم احجز وأروح لاهلي وخلاص انطلق منه ،بس ماني قادرة اتخذ هالخطوة احس روحي معه ياربي .😭💔 البارح بعد الخصام يكلمني عادي وأحيانا يقلب ماادري يبي يأدبني
ولا فعلا يمزح معاي فجاءه قال انا مابيككك أنتي تعبتيني في حياتي
ونام وخلاني واليوم ماكلمني ابد ساكت
فهمتووو خلاني معلقه احيانا يبين يبيني وأحيانا لا .
تعبت تخيلو نزلت المستوصف ضغطي ارتفع منه والقولون قام علي وهو برا خرج من اول مايدري اني رحت المستوصف . اش اسوي اش اسوي ابي حل اعتبروننني بنتكم تكفوووون
عمري27 وهو 36

الصولجان 02-08-19 11:32 PM

...


لا اله الا الله محمد رسول الله .. اذكري الله .. واستغفري

والله ثم والله ثم والله .. لو استمريتي في حالك ذَا راح
تخسري صحتك وسعادتك وحتى عمرك !!

وعشان مين ( رجال )..؟.
ياكل هواء ويبلط البحر ذهب ..

اول شي سالفه انك تجلسين تراضين فيه ذي
يا امي .. تعودي مع الايام واحذفيها عساه
ما رضي يصك راْسه في جدران عمله ايه والله

تطلبين الطلاق : لا الحياه لسه قدام وترا الحياه الزوجيه
كذا يا امي لا تحسبي شغل الآفلام لكن اختاري
طريق يسعدك .. واصبري وانتبهي تحملي !!
اعطيه مساحه سنه او اثنين قدام .. وشوفي
يغير الله حال من حال .. وان ما تعدل
اقرب محكمه يا امي وش كثرهم الرجال صاروا مثل الهم
على القلب ..


ليش جالسه وراءه وليش تسالي وين راجع
وين رايح وين ذالف
مصروفك يجيك ؟.
بيتك كامل ..؟!
يوديك لاهلك
خلاص ترا هم تكمله عدد للحياه
وليس بالشئ الاول في حياه المراه انتبهي
وركزي لكلامي



الرجل يكمل حياه المراه وليس هو الأساس
يكملها كيف ..؟!
يعطيك مسمى الأمومة فقط وان جاء طيب
وحبيب نعمه من الله كريمه
وان جاء لعين لا تلحقي وراه .. عزي نفسك
وخليك قويه ما يضعفك رجل !

وخذيها نصيحه من امراه لها باع
في مجال الارتباط .. اياكِ ثم اياكِ

اللهفه المفرطه + الضعف يبان في بعده
الرجل يحب القويه / ويحب اللي ما تدور عليه

:reading:

لكل شي وقت ولكل شي حدود
اظهري ذكائك وابعدي الغباء وراء البحر ..
والجبال ..

وعيشي صح :MonTaseR_197:

الله يسخره لك بحق لا اله الا الله

شطرنج 02-09-19 03:22 AM

اسلوبكم مع بعض توم وجيري
مافي تفاهم
(اذا مافي حياة زوجية )
حتى لو اخذ الحب مجده في حياتكم
يبقى الاسلوب في التعامل غلط
قالتها الاخت الصولجان
الرجل لا يحب الانثى الضعيفه
مهما اعطته كل شئ
الحب له طريقان لا ثالث لهما
اما السمو والقوة والشراكه الزوجية الناجحه
واما التذلل والضعف وتفكك الشراكة الزوجيه

كوني شخصية قويه وذكيه في عينيه
ليس برفع الصوت
انما بالكلام المنطقي والحق
ليس بالاهمال
انما بأعطائه ما يستحق
ليس بالخروج بدون علمه
انما بأخذ الاذن
ليس بتمرد
انما بعدم الخروج عن طاعته
فيما يرضي الله
واحد اسباب الطلاق ان اسرار البيت
تخرج خاج بيت الزوجية
حتى لو بغرض الاصلاح
سوف تكون حجة عليك وضدك
وتخسرون بعضكم من أجل مشاكل بسيطة
تستطعون ان تجدو لها حلول بعقل


هكذا تروض النساء الرجال

اتمنى لكم التوفيق والسعاده في حياتكم

عطر النَّدَى 02-09-19 04:10 AM

وانا اقرا يا عزيزتي وصلت عند كلمة انا اراضيه
وعرفت ان الخلل منك وليس منه
زوجك يحتاج من تعلقه ليس هو من يعلقها يعني بما انك تحبينه لهذه الدرجة
وما تشوفي حياتك بدونه غيري من نفسك
انت زوجة لحوحة جدا مهتمة جدا تفتقدينه اكثر مما يفتقدك
جمعتي كل الصفات التي ممكن تجعل الرجل ينظر اليك بعين النقص
عمر الحب ما كان عماد العلاقة الزوجية الامراة اما تمتلك الذكاء الكافي
واما لن تحافظ على مرتبتها في قلب وعين الرجل
لديا انسانة قريبة مني تزوجت عن حب وبعد الزواج استمرت مع زوجها
بنفس شخصيتها قبل الزواج لا تتنازل لا ترضخ رغم انها زوجة مطيعة لكن بذكاء
تقول لي اذا سال عني اسال عنه اذا تانق وادركت انه سيخرج
لا اعبره وقبل خروجه يقول الى اين سيخرج من تلقاء نفسه
احرك راسي واتركه يخرج بسلام وتقسم انها لم تراضيه يوما
تشعره انها لن ينقصها شيء ان لن يهتم بهاا وهذا ما يجعله متعلق بها وبشدة
احصلي على هذا النوع من الذكاء ولن تفكري في الانفصال ابدا
ولا تفكري في ادخال الاهل ابحثتي عن حلول تريح صحتك اولا
ثم ارتاحي مع نفسك ليرتاح زوجك معك
وقتها ان لم يتغير وستمر الضعط عليك عندها فكري في الحل النهائي للموضوع
رب العالمين خلق رؤوس خلقه منفصلة لتضعها اين ترتاح

الله يريح بالك عزيزتي

سحاابة عطر 02-09-19 04:19 AM

انتي مو بس تحبينه انتي تعلقتي فيه
خلاص اتركيه مثل مايبي اذا زعل والغلط منه ليش تراضينه اسكتي عنه يرضى من كيفه
اهتمي بنفسك وأشغلي نفسك وهو اتركيه مثل مايبي ما أقول لا تهتمين فيه بالمره عطيه الاهتمام على جرعات بس لا تخنقينه اويمكن شخصية زوجك كذا وطبعه دام هو قد المسؤولية ومتحملها ومعطيك حقوقك اصبري عليه الله يسخره لك

M.ahmad 02-09-19 07:35 AM

لا تعطيه إهتمام أكبر من حجمه وستنحل مشكلتك


الساعة الآن 02:54 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا