منتديات مسك الغلا

منتديات مسك الغلا (/vb/)
-   همس القوافي - شعر - قصائد •• (https://www.al2la.com/vb/f5.html)
-   -   طــال مجـــلاســي (https://www.al2la.com/vb/t94275.html)

صلاح94 02-09-19 08:32 PM

طــال مجـــلاســي
 
. طــــــــــال مجـــــــلاسي
https://encrypted-tbn0.gstatic.com/i...3lXkOTQG9WbBhw

عز الله أني جلست وطال مجلاسي
يالله عسى كل تأخيره بها خيرة

وإلا سنتين مضن لي شيب راسي
يا ما خذن من صديق وطلعن غيره

لولا الشدايد وش اللي يفرق الناسي
لكنها تطلع الصفرة من النيره

قدامها أخذت لي بالدرب مرواسي
وازريت لأفرق وروده من مصاديره

لين أخلف الوقت مرماعي وهوجاسي
مال الزمان ولقيت أكبر مخاسيره

رفقت رفيق تشيدها على ساسي
وليا أدبر الوقت هدتها معاصيره

وأقفيت عنها رجاك معادل الياسي
حيث البناء صعب هده عقب تعميره

أسباب ما ذهب عزاي وثور احساسي
ما هو غشش من هدم بيره بتدبيره

أنا ليا شفت فتق صار من باسي
أخفيه ما أبديه خوف من مداويره

والتايه اللي بعضده رد الأمواسي
أغضي عنه لو كشفت أخطاه ما أذيره

أخلف هدف رمعت يفرح بها سياسي
ماني غشيم يصيد ببندقه طيره

كان اكفته ما لبس درعه مع الطاسي
تفداه يوم لي سيره وله سيره

وكان اعترض في نحاي وحد الأضراسي
ماني زهوف قضيفات معابيره

باللين لين وفي وقت القسى قاسي
ليا كشر الناب والطايش صقع زيره

يبشر بخصم يهد المبنى الراسي
في ضربة كسرها يتعب جبابيره

ما جاب غيضي وتكديري وعوكاسي
إلا احتمال الخطأ ليا ضاع تبريره

أبا النداوي يذب الدرب متواسي
قدام أخبط الشجر وأظهر عصافيره

ما أدري متى يصحي المنجوم يا ناسي
وين أهل العرف والمعروف والجيره

طالت وعرضت هبوب ليلها دماسي
يجرح صداها لبيب العقل ويثيره

الصبر جوهر وهوله حد وقياسي
والطق قفل العجم خل بمساميره
.
.
#شعر//
حماد بن مريزيق البشري

خفوق الروح 02-10-19 04:59 PM

لولا الشدايد وش اللي يفرق الناسي
لكنها تطلع الصفرة من النيره
.'
صح السآن شاعرها .. ولاهنت ع النقل الجميل ..'
شكراً لك ..'

صلاح94 02-10-19 08:16 PM

اقتباس:

المشاركة الأصلية كتبت بواسطة خفووق (المشاركة 1957478)
لولا الشدايد وش اللي يفرق الناسي
لكنها تطلع الصفرة من النيره
.'
صح السآن شاعرها .. ولاهنت ع النقل الجميل ..'
شكراً لك ..'

الله يسلم راسك ويحفظك ياخفــوق ويسعد الله القلب اللي ينبض بين ظلوعك :27:

.! شظايا قلب !. 05-26-19 02:18 PM

طرح اكثر من رائع
سلمت اناملك
ويعطيك الله العافيه على مجهودك
في أنتظار المزيد
والمزيد من عطائك ومواضيعك الرائعه والجميله
ودائما في إبداع مستمر
لا خلا ولا عدم


الساعة الآن 03:42 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا