منتديات مسك الغلا

 


موضوع مُغلق
 
LinkBack أدوات الموضوع انواع عرض الموضوع
قديم 02-09-19, 08:32 PM   #1
صلاح94

الصورة الرمزية صلاح94

آخر زيارة »  03-24-24 (03:26 AM)
المكان »  قلب أمي
الهوايه »  الرياضة والأطلاع واعشق التصاميم
MMS ~

 الأوسمة و جوائز

افتراضي طــال مجـــلاســي



. طــــــــــال مجـــــــلاسي


عز الله أني جلست وطال مجلاسي
يالله عسى كل تأخيره بها خيرة

وإلا سنتين مضن لي شيب راسي
يا ما خذن من صديق وطلعن غيره

لولا الشدايد وش اللي يفرق الناسي
لكنها تطلع الصفرة من النيره

قدامها أخذت لي بالدرب مرواسي
وازريت لأفرق وروده من مصاديره

لين أخلف الوقت مرماعي وهوجاسي
مال الزمان ولقيت أكبر مخاسيره

رفقت رفيق تشيدها على ساسي
وليا أدبر الوقت هدتها معاصيره

وأقفيت عنها رجاك معادل الياسي
حيث البناء صعب هده عقب تعميره

أسباب ما ذهب عزاي وثور احساسي
ما هو غشش من هدم بيره بتدبيره

أنا ليا شفت فتق صار من باسي
أخفيه ما أبديه خوف من مداويره

والتايه اللي بعضده رد الأمواسي
أغضي عنه لو كشفت أخطاه ما أذيره

أخلف هدف رمعت يفرح بها سياسي
ماني غشيم يصيد ببندقه طيره

كان اكفته ما لبس درعه مع الطاسي
تفداه يوم لي سيره وله سيره

وكان اعترض في نحاي وحد الأضراسي
ماني زهوف قضيفات معابيره

باللين لين وفي وقت القسى قاسي
ليا كشر الناب والطايش صقع زيره

يبشر بخصم يهد المبنى الراسي
في ضربة كسرها يتعب جبابيره

ما جاب غيضي وتكديري وعوكاسي
إلا احتمال الخطأ ليا ضاع تبريره

أبا النداوي يذب الدرب متواسي
قدام أخبط الشجر وأظهر عصافيره

ما أدري متى يصحي المنجوم يا ناسي
وين أهل العرف والمعروف والجيره

طالت وعرضت هبوب ليلها دماسي
يجرح صداها لبيب العقل ويثيره

الصبر جوهر وهوله حد وقياسي
والطق قفل العجم خل بمساميره
.
.
#شعر//
حماد بن مريزيق البشري


 


قديم 02-10-19, 04:59 PM   #2
خفوق الروح

الصورة الرمزية خفوق الروح
روح خآوآهآ الشموخ

آخر زيارة »  يوم أمس (05:44 PM)
MMS ~

 الأوسمة و جوائز

افتراضي



لولا الشدايد وش اللي يفرق الناسي
لكنها تطلع الصفرة من النيره
.'
صح السآن شاعرها .. ولاهنت ع النقل الجميل ..'
شكراً لك ..'


 


قديم 02-10-19, 08:16 PM   #3
صلاح94

الصورة الرمزية صلاح94

آخر زيارة »  03-24-24 (03:26 AM)
المكان »  قلب أمي
الهوايه »  الرياضة والأطلاع واعشق التصاميم
MMS ~

 الأوسمة و جوائز

افتراضي



المشاركة الأصلية كتبت بواسطة خفووق مشاهدة المشاركة
لولا الشدايد وش اللي يفرق الناسي
لكنها تطلع الصفرة من النيره
.'
صح السآن شاعرها .. ولاهنت ع النقل الجميل ..'
شكراً لك ..'
الله يسلم راسك ويحفظك ياخفــوق ويسعد الله القلب اللي ينبض بين ظلوعك


 


قديم 05-26-19, 02:18 PM   #4
.! شظايا قلب !.

الصورة الرمزية .! شظايا قلب !.

آخر زيارة »  03-27-21 (03:21 AM)
المكان »  المدينة المنورة
MMS ~

 الأوسمة و جوائز

افتراضي



طرح اكثر من رائع
سلمت اناملك
ويعطيك الله العافيه على مجهودك
في أنتظار المزيد
والمزيد من عطائك ومواضيعك الرائعه والجميله
ودائما في إبداع مستمر
لا خلا ولا عدم


 


موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 06:23 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا