((قالت : تغزل بالعذارى وانا ليه))
 

قالت : تغزل بالعذارى ...... وانا ليه
ما لي نصيب في قصيدك .. يعزين
كل سمعتك تذكر اسمه .... وطاريه
وانا علامك ما تطريني ..... ابيتين
قلت السبب يالترف زينك . مواريه
لا شفت انا صدرك ولا شفت عينين
وانهودك اللي تبحث القلب . خافيه
ما شفتها وقاف فوق ...... الترابين
عطني هدية تغري القاف .... تغريه
وابشر بقاف يجعل النار ...... نارين
والله لاغير فكرتك ...... والمشاريه
واسيح ثلوج على دارك ..... اسنين
ودم جمد وسط الثنادي ..... نغذيه
وتجري عروق دمها ...... بالشرايين
يا سيدي من سامني سمت .. غاليه
والله لاشيله فوق راسي .. ومتنين
واليادرج كل المعاليق ......... تتليه
والحق اضمه يالغلا ...... بالذراعين
والياطلبني قبلة بين ........ اشافيه
والله لازيده فوق الطلبة ... بثنتين
نصيحتي سيب التحرش ... وعانيه
لا تهيج القارظ على ساس .. قافين
وان كان قصدك تذبح قلبي وتلغيه
الان جوني يمشي بالدرب ... بنتين
فيهن جمال ما يتوصف .... وباغيه
كل تقول ارجوك خذني .. وهالحين

القارظ العنزي

صح لسانك شاعرنا
اتحاف مميز كما عودتنا دائماً
لا هنت ودام لنا ابداعك
مع تقديري

صح لسانك عزيزي ابيات ولا اروع
ابدعت

وان كان قصدك تذبح قلبي وتلغيه
الان جوني يمشي بالدرب ... بنتين
فيهن جمال ما يتوصف .... وباغيه
كل تقول ارجوك خذني .. وهالحين

ول ول ول
ثنتين مره وحده والله مانت قليل يهالقارظ

يسعد خفوقك والروح
ويسلم القلم . والبوح
وان كان قلت. ماريدك
تراني والله ...... بآروح

هي مو مجاراه هي هدية

صح لسانك مليون
احترامي

اسعدني مرورك قيثارة كلك ذوق وصح احساسك

شرفني تواجدك في متصفحي مساحة قلم ، وحضورك النير لاهنت