((لاعبتها داعبتها))
 

لاعبتها داعبتها في لحظة غاب ............ الرقيب
لعبة دلع ما هي سوالف تطري للقلب .... المريض
خلي الحبيب العاطفي يغلي الحبيب. ويستجيب
والياطلبته شوفته يفتح لي الباب ....... العريض
قال ابشر بيه يالغلا واللي توده .......... يالحبيب
القارظ قارظ روحنا ويهدينا من زين .... القريض
واللي تريده تاخذه ، ظنك بخلك ....... ما يخيب
خذ ما تبي واترك لنا اللي يضر وانت . الحضيض
قلت ابشري باللي تبي اعرف حدودي . والنصيب
شوقك ثقيل ويفتهم ما يجدعه كثر ..... النفيض
مثلك نعزه يالغلا ونقدر الظرف .......... الصعيب
ما نحرجك ما نجرحك في شاية الرب .. الحفيظ
انت حياتي والشقى وانت جروحي .... والطبيب
وانت السعادة كلها والقلب في شوفك .... يريض
كل اللي منك اطلبه نصنع اشارة ......... للصليب
عند اللقاء تشر لنا في لحظة حبك ......... يفيض
وان كان جوك مضطرب والحالة فيها ... ما يريب
ترفع اشارة الخطر واطلع بوجهي ...... مستفيض

القارظ العنزي

..

صح لسانك اخوي القارظ

تسمح لي بملاحظه بسيطه ..

هي ملاحظه ليست على القصيده

انا فقط تمنيت منّك ان تضع فاصل زمني بين كل قصيده وقصيده

حتى تأخذ كل قصيده من قصائدك حقها

وشكرا

..

صح لسانك وسلم بنانك

ولافض فوك

هلا بك عتيم . ملاحظتك نأخذها بالحسبان . ولكن اخوك يعيش غربة غرباء . لو ماشغل نفسي بالقصيد كان اتجنن . كنت سابقا اشغل نفسي بالكتابة والان عجزت عنها من شدة اليأس والضغط النفسي . فالشعر هو متنفسي . ولو ما اوزع بعضه على اكثر من منتدى لزهقتم مني ، فعذرا ثم عذرا ومثلك يفهم السبب ويتفهم المصيبة ويقبل بالعذر . دمت بود لاهنت على المرور العطر .

صح احساسك الفيفي 2017 لاهنت

تتهادى حروفك بعذوبة البوح
صح لسانك شاعرنا ..
وسلمت لنا يمناك على كل حرف خطته هنا
مع تقديري