اليوم عيد الحب وانا...... بلا حب
قاعد اقاسي ضيق قلبي وكدوره

جمر الفراق بداخل القلب يشتب
تمنيت الزمن يرجع بي للخلف دوره

تعبان مالاقيت انا للتعب طب
ضاق الفؤاد وراح عني سروره

من يوم مات الحب وانا تعذب
اسهر انادي ليتها تعود... نوره

ماتت وانا بين المتاعب تغرّب
غرقان في هم الحياة.. وبحوره

من شاف حالي من الخلايق تعجب
وقال خلي النفس دايم........ صبوره

وشلون بصبر؟ واللواعيج ...تلهب
هو مادرى بحساس قلبي وشعوره

وشلون بصبر! والحشا صار ملعب
والضيق يلعب داخل احشاي كوره

حاولت اهدي القلب بس مارضى القلب
لازالت بداخله.... للحب..... صوره

مسجون يالجادل بدنيا بلا..... ذنب
والفرح من كم شهر غايب ظهوره

بل احتسب يا صاحبي وقول يا رب
ارحم شقيق القلب والروح .... نورة
ترى الحبيبة من نياحك ....... تعذب
والميت حقه تذكره ........ ثم تزوره
ثم احتسب عند الولي ..صبرك وتب
ولا عاد تذكر الغزل وش ..... شعوره
والا تجوز والاهل كلهم .......... حب
وجه القمر اعطت عن الحب .. دورة
هي الخبيرة جربت واللهب ..... شب
في صدرها يوم اختفت كل .. صورة

هلابك اختي
صحت ابدانك

ايه كلامك صحيح
لكن تبقى الذكرى داخل القلب
صعبه انساها

اسمحلي اغير الوزن والقافيه

وشلون تبرد وهي تشعل بخفاقي
كل ساعه تزيد وسط الجوف نيرانه

*الحال في البعد لاماعاد ينطاقي
هاضت جروحي ترا والعين سهرانه

*اشتاقها والحشا بالحيل مشتاقي
ياليتني قربها وانام ......بحضانه

*ياشوق قلبي على لقياه وعناقي
ورتاح به والغلا ايصير .......عنوانه

ادري انه مستحيل
لكن مو بيدي