منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   ((يالترف يا صاحب الغيرة)) (https://www.al2la.com/vb/t94443.html)

القارظ العنزي 02-16-19 05:50 PM

((يالترف يا صاحب الغيرة))
 
يالترف يا صاحب . الغيرة
لا تقطع الود ....... يالغالي
ترى الغلا في .... جماهيرة
والا مراحه مع ...... التالي
واللي زعل يترك ... الديرة
والله ما يطري على . بالي
اثقل ولا تبحث .... السيرة
بعلوم عراض .... واطوالي
وان بعتنا يالله .... الخيرة
ربي يعوض لنا ...... بغالي
ومن باعنا نشتري ... غيره
بنت تجي لي على ... بالي
عيونها تبعث ....... الحيرة
وخديدها نوره ...... يلالي
من شافها زاد ..... تخديره
ومبيسم كنه ....... اهلالي
والقلب زادة ...... تباشيره
يوم اقبلت حسن الاقبالي
والرب زانه ...... بتصويره
متميز زين ........ الامثالي
سبحان ربي ...... وتقديره
اللي حباني بلي ...... غالي

القارظ العنزي

احلام عابره 02-16-19 06:25 PM

صح لسانك يالقارظ العنزي
داىما مبدع وجزل
اسمحلي اشاكسك بس بتغيير القافيه
ياصاحبي ليه.... العتب
ليه الصدود... والغضب
ناتي على حسب الطلب
ان كان تبغي...... قربنا

جينا بقلب ن .....ملتهب
من العشق ما...يظطرب
تبت يداه .....وتب وتب
الي همه يفرق ......بيننا

من امس قلبي في شرود
ياصاحبي ليه ....الصدود
شاري غرامك ....يالودود
ان كانك شاري ......ودنا

اتمنى تتقبلها مني بصدر رحب

القارظ العنزي 02-16-19 06:57 PM

كلامك يا سيد ...... البنات
جميل ويحتاج ..... الثبات
لو البني ما هن ...... ثقات
نقبلكم وانتم .......... حبنا

هاتي دليلك ......... عجلي
هاتيه ولا .......... تؤجلي
وعند القضاء ..... يسجلي
ومن ثم تكسب ....... ودنا

تجي وتنزل ....... بالجوار
حياك ونبدا ........ بالحوار
وتبين عذرك ....... والدمار
اللي كتبته ............ ضدنا

ثم تلتزم باقي ...... النظام
تعطي يمينك ....... للسلام
والعافية عند ....... الختام
تمشي على ......... قانوننا

بنات حواء .......... يكذبن
يعطن عهود ....... وينكثن
لو يقسمن ......... ويحلفن
ما بدنا ............... ما بدنا

لكن ذالمرة ....... يالحبيب
باعطيك الفرصة تستجيب
وتبقى الحبيب .. العندليب
تسمع كلامي .......... يالهنا

وتراها لك اخر ....... انذار
حذاري من بعده .... حذار
ولا باجي لك .... بالمختار
والا اصلح لا ......... تلدنا

صحة روعاتك احلام . وتقبلي مشاكستي من العيار الثقيل دمت بود

جنو2 02-16-19 09:15 PM

ممتاز

القارظ العنزي 02-17-19 12:33 PM

اشكر مرورك جنو2

احلام عابره 02-17-19 02:00 PM

جيناك على ..... ماتريد
والغلا يسري... بالوريد
لالا تقول ولا...... تزيد
ولا تشكك في... ودنا

حنا طيبين ..... الجدود
ابد ماننقض... العهود
وانت ابن الكرم والجود
في معزتك........... عزنا

هلا بك حيا الله. تعال
كانك منت راعي. عيال
والا والله يابن..الحلال
تكن خي تاسع .... لنا


حيا الله القارض
كو انت بس الي تشاكي بالعيار الثقيل
ههههه


الساعة الآن 10:52 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا