منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   ((هذي فتاة القاف والمسك واحلام)) (https://www.al2la.com/vb/t94642.html)

القارظ العنزي 02-24-19 02:39 PM

((هذي فتاة القاف والمسك واحلام))
 
قولوا لها ترجع على القاف.. .. تاتي
من عقبها قافي تعثر ........ ولا قام
وان قلتوا من هي قلت عز .. الفتاة
هذي فتاة القاف والمسك . واحلام
من عقبها فقدت قافي ...... وذاتي
وتعطلت افكارنا وزود ......الاحلام
بنت تجيد الرد وبنت ...... الذواتي
عريبة الجدين باخوال. ..... اعمام
يا ليتها ترجع وتجمع ....... شتاتي
ونبدا المشاكس بيننا .. والولع حام
ياللي تشوفه بلغه .......... لا تباتي
قله تعجل يا فتى همنا ......... زام
ما تنفع الاعذار ويا ليت ....... لاتي
لازم تعود احلامنا وتترك .... الشام
قولوا لها تقبل تسوي ....... سواتي
تاخذ لها جولة على المسك يااكرام

القارظ العنزي

قيثارة 02-24-19 05:37 PM

سلمت الانامل الي سطرت هذا الاحساس الشجي
كل ماحملته كلماتك كان رااائع
وأكيد غاليتنا احلام حترد وتشاكسك بالقاف
كلاكما مبدعين المسك وما نستغني عنكم
صح لسانك شاعرنا
مع تقديري

احلام عابره 02-25-19 07:20 AM

بين الحنايا خافي الشوق .... باتي
وانااحسبه وله بالحرف ... والهام

وتجرح مع الانفاس بالصدر آهاتي
الا هو غلا ماهو ولع ...... واوهام

قولو للي سكن روحي .... وذاتي
سلام من قلبي ومن عينيي سلام

ابعد ويهزني له الحنين ..... وآتي
وابوح له بكل الي بصدر ..... احلام

يقول تعالي هرج .. ومشاكساتي
مايدري الشوق في خافقي مانام

القارظ العنزي
ابدعت وامتعت تقبل مروري
ومشاكستي كما هي

القارظ العنزي 02-25-19 07:42 AM

هذا من ذوقك الراقي غاليتي قيثارة

القارظ العنزي 02-25-19 07:50 AM

هلا هلا بك نور عيني .............. وغاتي
اللي رجع لي من عقب عدة ......... ايام
قعدت انا واعدها في ............. صلاتي
ونوب الصلاة يا احلام تصبح بس اوهام
تعالي يمي هيك وهيك هاتي ..... هاتي
هات المشاكس وانثره حق ...... والزام

الجنرال خالد 02-26-19 10:48 AM

الله عليك يا مبدع
احسنت صح الله لسانك ونبض قلبك اخي الغالي
دوماً مبدع تحياتي لك


الساعة الآن 11:44 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا