أكذب عليك ان قلتلك ما عرف شي
أعرف ولكن وش تفيد الإجابة
ما فيه حيٍ ما مضى له زمن غي
ولا فيه غصاً كود هب الهوى به
أمضيت من عمر الشقى شي وشوي
يوم اتعنى به وعشر ابتلى به
حبٍ يموت وحب يبقى معي حي
وحبٍ يمر القلب مر السحابة

ماعندي أغلى من عيُونك وضحكتك
‏ولا عندي أكبر من مقامك في قلبي

صحيح ما به سراب يسقي الظامي
‏بس الأماني توسع صدر راعيها

‏البعد مايمحي من القلب غالي
والقرب مايغلي رخيصٍ من الناس

وصداقة المقفي ماهيب راس مالي
ولاكل رفقة واحدٍ ترفع الراس

ولا يسقي الضامي قصيرالحبالي
ونبت الحياء ماياصله كل عساس

وجهك ماهو لحاله يخطف الانتباه
‏حتى بعد صوتك يجيب العافيه

‏وجهك ميّزة .. و مُلفت للحضور
ضيّع عقول الخلايق وضيّعني معه