‏كانت تبيه :
‏وكانت تحبّ وخايفة ،
‏انها تجيه !
‏وان مرّها .. تتأمّله !
‏لمّا تموت من الوله ،
‏وتدعي له ،
‏وتبكي عليه !

وكانت تبيه ..

‏مرّت عليها ايّام
‏كل يوم تخسر حلم
‏وتبني وراه احلام !
‏وتكذب تقول :
‏إنّ العوض قدّام
‏وصارت لياليها سهر ،
‏تسكت ، تموت وتنقهر
‏وتقضي العمر آلام !

وباقي تبيه

ولما رجع ..
كل شيّ متغيّر عليه
حبيبته ما تحتريه !
‏راحت معَ غيره ،
‏راحت !!
‏وكل حلم انهدم ،
‏وهو يطالعها بـ ندم
‏يضحك من الصدمة
‏و يبكي من الغِيرة !

يبيها ..
بس هي ماتبيه !

‏تعالي لي ..
‏دموعي بلّلت ثوبي ،
‏ابي كفوفك مناديلي !

‏خذيني .. والعمر مرّة ،
‏ولا تردّيني بالمرّة !
‏انا قلبي يبي قلبك
‏رضى في خيره وشرّه !

‏تقولين البشر واجد ،
‏وتلقى بينهم أحباب !
‏واقول اللي عشق واحد
‏يشوف إنّ الجميع اغراب

‏غريبة ... لو تعوّدتي ،
‏على الفرقى ويا صبرك
‏واذا اشتقتي وعوّدتي
‏ترى قلبي على خبرك !

أحبّك .. وآخر الموضوع ،
أنا في غيبتك موجوع ،
تعبت أملي الثواني دموع ،
أبي كفوفك مناديلي !
دموعي بلّلت ثوبي
تعالي لي ..

قفل قلبي .. بعد عينك ضايعٍ مفتاحه
‏لأنك اللي عاد حبه ، فـ الضمير مبّدا
‏ٰ
‏أتظاهر من ثقل نفسي .. بطعم الراحه
‏والا أنا مستوجعٍ من فقدتي لك جدّا

‏أعيش أيآمي اللي محتريها
‏و إذا مرت ، تمر لـ ذكرياتي

‏أجامل دنيتي واعيش فيها
‏عزيز و عزتي مبدا حياتي

‏على الشدات نفسي ماعليها
‏يشيب الوقت مازعزع ثباتي

أُقَلِّبُ طَرفي في السَماءِ لَعَلَّهُ
يُوافِقُ طَرفي طَرفَها حينَ تَنظُرُ

شفنا وعفنا والتجارب تخليك
‏ما تحزن لمقفي ولا تفرح لجاي!.