من جامل الناس في روحه تصاغرها
لايزعل اليا حقرْه اصغيّر السنّي ..!

لاضاقت الدار باهاليها واكابرها
اقفيت قفّايةٍ ، ماهي بتشحني

واللي تحسب التباهي في مظاهرها
تلقى لها من يطق الطبل ويغنّي

نفسي ، وانا ادرى بخاطرها وخابرها
ماتقبل اجمالة اللي يلحق المنّي

.

.

لو كل نفسٍ تنول اللي بخاطرها
ماشفت في مجمل الغايات متمني

ومالذ من نشوة النفس ومشاعرها
الاّ امتلاك الشفوف اللي على ظني

اتعبت رجلي ، على كثرة امغامرها
وشلّيت مالا يشيله هنّ بن هنّي

ماهي على جرّة اللي في جرايرها
قلايصٍ وين ماتستن تستنّي

صارت احلامي في غيابه كوابيس
متى ياوقت يرجع وترجع...احلامي

رفقا بمن دخل الهوى لفؤاده
اظماه ذاك الشوق من سقياه

فصدورنا ، مستودع آهات والآم
وفوجيهنا عكس انهيار المحاني

نصبر على رجوى مقابيل الايام
وتجاهل الفايت .. وجور الزماني

انا الحزين اللي بوجهه تبسّام
وانا الآمل رغم انخذال الاماني

ماني بعيش العمر في ظل الأوهام
عمر الوهم ،مايخلق انسان ثاني..!