.

تمرّ وجيه وأشخاص وحكي وأزمان
‏ووجهك بس .. له الفزّه و تلفّاتي .

.

ما بكيت على ايام خانت لياليها
بكيت على ناس خاب الظن فيها

.

راقي بذوقه وقلـبه بالـوفـا راقي
‏لو وزع الطيب بيـن الناس يكفيها ..

.

على دروب الامل سقنا خطاوينا
يالله عسى خيرة الأيـام تسعدنا .

.

‏يحبك الوقت وتحبك معي الحياة
‏يا وجه كم لي وانا متعلق بضحكته

.

غدرت قلبٍ كان بالحيل يغليك
غرك كلامي العذب مع صغر سني

،.

" ما عندي الاّ القديم اللّي تهجّاني
بحوري اليوم .. مدري غن موانيها

يوم انوي البعد والذَكرى ترجّاني
عرفت كيف النّفوس تموت امانيها

ضحكت من دمعتي واطلقت حجّاني
( كبرت) عن كلّ حاجةٍ كنت أعانيها

البارحه وأسود التّفكير .. سجّاني :
( عييت اشوفك في صورةٍ ما أدانيها ..!)"

.

وشلون يا أغلى من عروقي غديتي سراب ؟
وأنا أحسبك كنتِ بتبقين لين المشيب !

.

.

خذني على قد الغلا و اشتياقي
‏ترى الكرم بالحب حاجه عظيمة

.

.

كل ما ضاقت فرجها يجي مثل الغيوم
‏فزعة اللي ما يمن العطايا ، لا عطا .

.

لو كان حبي لك تخاريف وأوهام
ما اشتقت لك بالثانيه والدقيقه

أجيه وأحزاني تقل قشّ بدوان
‏و أروح والخاطر سِواة البراحه
‏

يا ليل ياجامع على الوّد قلبين
لك عادة تجمع قلوب الولايف

من بديت أستصّغر شعور العتاب
‏حبل وصلك ما حرصت أجوّده

يا بخيل الوصل شفتك بالمنام
عشقت النوم و رضيت بك حلم..

.

ليلةٍ جابتك . . يا جعلها سرمديّه
لو يمرّك بها لحظة سكوت اختصرها

السوالف معك ماهي حروف ابجديه
السوالف معك غيمه يرشّرش مطرها .

.

عابرين وما على الدنيا ضمان
يالله الجنة .. وحسن الخاتمة .

على ابتساماتك وطاريك الرحيب
‏على مهل لا جيتني .. على مهل

‏احب وصلك وإن غدا وصلك صعيب
‏حنا نحب الصعب ونعيف السهل

إن رحت يبقى لك معزه وتقدير
وإن جيت تلقى صاحبك ماتغيّر .

ادري ان الجفا ما هو قرارٍ صحيح
‏لكن النفس لا عافت وش يردها

.

عسى رشاريش المطر تسقي قبور
‏ناسٍ لهم في ميسر الصدر ديرة ..

.

لا تغرك ( طيبتي ) ترا راسي عنيد
وان طرالي شي على بالي وجب

أشوف كلٍ مع حبيبه تهنّى
وانا حبـــيب الرّوح صعبٍ عليّا

.



ادفن همـومك و احذر السر ينباح
‏ومن ينشدك قله : بخير و سلامه ..

‏يَـالله سحابة بخت تروي مقاديري
‏إلين وجهي يوصف في ضحك سنّه

"ومَن يَخذُل أخاهُ لدَى الرَّزايَا
يَظلُّ عَلى الزَّمانِ بلا نَصِيرِ "

ناس تجـي نعمه وناس تجـي درس
حافظ على النعمه وتعلم من الدرس ..

فيني بدو ماتو ضما للمواصيل..
وجيههم من لاهب الشوق سمرا..!

ابتعد عنك واحس انك معايا
بكل خطوة ظلك احسه ورايا

ريما مقدارك يعلي الراس والعين
انتِ الكريمة ونحترم شخصك
انتِ كلها إحساس ورقة
انتِ نشوف الود في همسك

لو طالت الأيام ماني بناسيه
وان غاب جتني علةٍ من غيابه

.

لا خذاك الوقت جاب الله العوّض
‏والله ما توقف باقي أيـامي عليك

.

.

افرحي يانفس عيشي وسوي ماتبين
‏ ما يزيد العمر مدح العبـاد و ذمّـها ..

.

كم شـدَّةٍ كشـفَتْ معادِنَ أهلِها
إنَّ الشـدائِدَ للـورَى غِربـالُ

نَقْلُ الجِّبالِ الرَواسِي عَن مَواضِعِهـا
أَخَفُّ مِن نَقْلِ نَفْـسٍ حيـنَ تَنصَـرِفُ

عشِّ حياتك و انتبه من حاجتين
لا ترخص احساسك ولا تأمن أحد