منتديات مسك الغلا | al2la.com

*ريم حامل*

أبيات للأمير عبدالرحمن بن مساعد

هي تِكَابِر ماشكَت ..

هي تِكَابِر مابكت ..

فيهَا أمل إنها تِطيّب ..

لين طاحت إيه طاحت
ودوها للطبيب ..

قال الطبيب : حامل
توها بِ أول شهر !! لا تشيل أشياءٍ ثقيله ..

وإمنعوها من السهر !!

قال أبوها كيف حامل والبنت عذراء !..

قال : إنت أبوها وإنتى أدرى !

يمكن أخطت مع حبيب !

قام أبوها وما تكلّم ..
ناسي ؟ منهي ؟ وشنهي ؟ ..
ماذكر إنها وحيده ..
مالهَا أخوان وخوات ..

صد عنها وما سألها ..
مادرت وشّ فِ الحكاية !

تسأله وهي تبتسم : يا يبه وش قال فيني ؟

ليه ماتبغى تعلم ؟

يا يبه تكفى تكلم ..

يا يبه قلي فديتك ..

غير الوجهه وطول !

كان في النية عجل !

وإسألت ريم بخجل ..

يا يبه ضيّعت بيتك ؟

وقف الموتر وحوّل .. ثم مسكها مع شعرها !

ومال عنها ثم نحرها !

وإغرقت ريـم بـ دمها !

وأظلم الليل وقبرها !

شك فيها وفي شرفها !

يا قسى قلوب الرجال !

صدّق حتى الخيال !

حتى ماتت ما بكوها !

مادرت كيف إظلموها !

وماسألت ليه إنكروها ؟

وماسألت ليه إطعنوها ؟

وليه يقتلها أبوها ؟

وبعد ما ماتت بِ يُوم .. وقبل لا يإذن الظهر ..
رنّ هاتف بيتها .. ردّ أبوها ..

قالوا : بيت ريم ؟

أبشرك طلع تحليل بنتك سليم
بس غلطنا بِ الأسامي ..
وشفّ ملف بِنتك أمامي ..
بنتك معها زايده ..

وما درَوا إنّه قتلها !

آآه لو بس سألها !!!
آآه لو بس سألها !!!
__________________

( قصة حقيقية مؤلمه .. عندما اشتكى رجل كبير بالعمر قتل إبنته والسبب تقرير طبي خاطئ .. فبكى الأمير عبد الرحمن بن مساعد لما سمعه .. وجادت قريحته بهذه الأبيات ... والعبرة : تبينوا قبل ان تتخذوا القرار )