"
صباح الخير
:
من جديد الصباح

"
الله من حالةٍ في القلب مياسة
ما تثبت إلا على جرحٍ يركّدها
:
أمسيت كني غريب و فاقدٍ ناسه
والعزوة اللي تقل الراس فاقدها
:
ماهي بعادة لحرفي يفقد إحساسه
ويهيم في دار ما يعرف مواردها
:
أشوف حولي جميع الناس حسّاسة
من كل كلمة ولو ما كنت قاصدها
:
تصد وعيونها لخطاي جساسة
وتسعى لقطع المودة من مكايدها
:
وأنا أداري وأكف الحرف عن باسه
والنفس ستر المعاني من عوايدها
:
لا يا صباحٍ بفله .. تنعش أنفاسه
اكتب شهادة هوى المجروح واسردها
:
(يا ليتني ما عرفت الحب من ساسه
والليلة اللي لفت به كنت راقدها )


إحساس شاعر