|
محتاجة أتعلم .... السلام عليكم ورحمة الله وبركاته في أشياء مستصعباها وما أقدر أسويها فأحس بالتعب محتاجة أكافح الدنيا بشكل صحيح أذا عندكم يوتيوب وفيديوهات تعلمني مهارات جديدة في الحياة وأمكانيات ساعات احس اني أتوسوس وأميل السلبية والشكوى وأحترف في الشكوى والسلبية لأحصل على ما أريد مليانة هموم بس لن اشتكي لأن الشيطان يبغاني أشتكي للخلق واترك الخالق المالك للهموم وتغييير أحوالي قولولي أنتم ايش تسووون في حياتكم وايش هي أهدافكم هدفي الوحيد وبصيص أمل إني احفظ كتاب الله لا أدري هل بعدها تتغير حياتي ١٨٠ أم يبقى عندي الخوف والهلع والتشاؤم والسلبية أصلح أكون ممثلة لأني محترفة في التصنع ساعات واصلح آخذ دور الحزينة والبلوة في حياة الآخرين ( البائسة) أمنيتي أهتدي للأسلام محتاجة أتعلم مهارة الأستمرار والنظر لحياتي بشكل إيجابي عندكم نصائح وأرشادات بسيطة تغير حياتي للأفضل وأذا عندكم فيديوهات اذا قدرتم أرسلوها وعلموني شوي من قوتكم وكفاحكم وتطنيش التفاهات |
- حبيبتي أنتِ إكتشفي نفسك غمضي عيونك وتخيليّ .. شنو الحيآة اللي تتمنّيها ؟ مثلاً : غمضت عيني وشفت نفسِي بزنس وومن "سيدة أعمال" و ماهرة جداً في رسم اللوحات، وفنآنة في تصميم الأزيآء خلآص إبدي إشتغلي وكتبي أهدافك بـ ورقة إبدئي من هدف صغيير و وسط و كبير .. مثلاً ابدئي من هدف الرسم : جربي تعلمي ماتعلمتي كرري ماتعلمتي ادخلي دورة و و خلاص بديتي تتمكني من الشغلة استمري لحد م تصيري فنآنة وحطي "صح" ع أول هدف وترى اللي يحط أهداف قدآمه يحس إنه عايش حقيقي :رحيق: يحس أنا لي دآعي ف الحيآة مو آكل وأنام. أنا ف يوم من الأيام بصير سيدة مُجتمع بصير ذات شأن :رحيق: ولا تقولي صعب .. أو حلمي مستحيل وهدفي مستحيل الإنسان من أقوى المخلوقآت الرسول صلى الله عليه واله وسلم قال : تفاءلوا بالخير تجدوه. قآنون الجذب سمعتي فيه ؟ إقرئي عنه وشوفيه ع اليوتيوب أنصحك حقييييييييييييقي :رحيق: وبالنسبة لتطنيش التفآهآت : كلام الناس لا يودّي، ولا يجيب حتى الميت تكلموا فيه، رسول الله اللي هو رسول الله تكلموا فيه "واذا خاطبهم الجاهلون قالوا سلاماً" حطي ف بالك إن مافي أحد فالدنيآ مايجيه كلام من الأقل شأن الى الأعظم شأن يتكلموا فيهم النآس طنشي أنتِ وقتكِ جداً ثمين وماعندك وقت تسمعي لهالتفآهآت أصلاً :رحيق: و على فكرة بمآ إنك بتحطي لك أهدآف :رحيق: رآح يكثر الكلام عليك .. الناجح ف حيآته ؟ ياكلها أكل من الكلام اللي عليه بس ماعليك كل مازاد الكلام عليك دل إنك إرتفعتِ فوق والحسآد كثروا :26::رحيق: أتمنى أكون أفدتك عزيزتي :رحيق::رحيق::رحيق::نبض: |
"إذا عندكم يوتيوب وفيديوهات تعلمني مهارات جديدة في الحياة وأمكانيات" طيب ليش يوتيوب؟ ، ما أنكر إن التعليم الإلكتروني جميل، بس أشوف انك محتاجة تختلطي مع الناس أكثر، اطلعي، روحي ادرسي، سجلي بمعهد، أواعملي أي شي تطوعي ! ! . كوِّني صداقات مع بنات بسنك، و أحسني اختيارهم. و إذا مُصرَّة و حابة تجلسي بالبيت و تتعلمي بنفس الوقت، في مواقع عربية تعليمية، بشتى المجالات، بعضها مجاني و بعضها الآخر مدفوع، في موقع يقدم دورات خاصة بالبرمجة و تطوير واجهات المستخدم، على الدورة 160 دولار، يمكن السعر شوية مرتفع بس يستاهل برضو، اذا خلصتي الدورة وما استلمتي مشروع أو شغل معين خلال ٦ أشهر ترجع لك فلوسك كاملة. كمان في مواقع ثانية معروفة، جميلة، و مجانية، وتقدري تحصلي منها ع شهادة عند اكمالك للدورة. عموماً، الله يوفقك. |
حي الله الشامخه ندرين وش مشكلتنا بالحياة انه ما عندنا مشكلة اصلا لو يسالك اي احد يقول لك وش عندك اليوم ؟ بتقولين مباشرة اووووووووووووووه عندي كذا وعندي كذا وعندي وعندي وبتعددين كثير اشياء ولو تركزين على كل شي منفصل من هالاشياء تحصلين انه لا شي عمل جدا عادي وليس مهم اصلا مجرد انك ناويه تسوين هالشغله فاحطيتيها شغله عندك وفكرتي انها مهمة جدا الحياة اسهل من كذا الحياة عيش بكل بساطه لان الايام اذا بتتعاركين معها بتقتلك من البدايه عيشي حياتك ببساطتها بجمالها لا تعطين الاشياء اكبر من حقها ولا تضخمينها خلي لك بين فترات الروتين العاديه لحظات حره يصير فيها اللى يصير حره الى ابعد درجه تمدد سوالف اي شغله ثانيه لو يتكسر اللي بيدك عادي اما بالنسبه للقران الكريم فحفظه ومشروع حفظه طبعا وبلا جدال يفيدك بدنياك واخرتك وسبب لسعادتك وسبب لصلاح ذريتك وسبب للبركه بعمرك ومالك ختام لا تعطين الدنيا اكبر من حجمها لو كان فيها خير ما اعطى الله سبحانه وتعالى منها للكافر قطرة ماء |
| الساعة الآن 02:12 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا