منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   ! ! ! جزاة الحب ! ! ! حصــرية (https://www.al2la.com/vb/t95776.html)

أنا فداهم 04-09-19 09:18 PM

! ! ! جزاة الحب ! ! ! حصــرية
 
ماهي صدفة يا بعد عمري غيابك
و مو غريبــة ..يا حياتي.. ترحليــن

<<أربعة أعوام>> و أنا أسمع عتابك
لين جاتك من الله وقلتي بتبعدين

عطيني قلبي و روحي مع أحبابك
باكر على ،،دروب اللقاء،، تدورين

أنا حبيتك و إنتي توك في شبابك
من يوم كنتي على أكتافي تنامين

واليوم تغيرتي علي وش جرى بك
يعني ((جزاة الحب)) إنك تجافين!

أنا ضميتك :::لين لوّح ::: سرابك
و قرّبت منك بس كنتي تختفين

ما كانت شموعي تضوّي ضبابك
ما كنت "أزرع لك" بحبي بساتين

شاللي / جبر ذهابك / يشح بإيابك
شلون قدرتي من عيوني تطيحين

جيتي بليلة و الصمت مالي ثيابك
مو عادة الصمت يكسي المحبين ؟

جيتي و حطيتي وردة باوسط كتابك
((وذبلت الوردة)) ولا فارقتها العين

علميني أنساك {و أرضى بغيابك}
وأنا أوعدك بأنساك مع الناسين !

مرجانة 04-09-19 09:31 PM

صح لسانك يا فداهم

أبيات جميلة جداً
و مشاهد تأسر الاحساس

أبدعت
دام حرفك

أعد النجوم 04-09-19 10:36 PM

صح لسانك

ابيات روعه

تحيه طيبه لك

احلام عابره 04-10-19 12:11 AM

صح لسانك يافداهم
مليون صح كلك ولا يكفون
مبدع كالعاده يغالي
احساس عذب انتثر بين السطور
اسعدني تواجدي بمتصفحك
تقبل مروري المتواضع
لك ودي واكثر

alwafa 04-10-19 08:25 AM

.
.
.
.
.
علميني أنساك {و أرضى بغيابك}
بغيآبك
.
.
صح لسآنكك ,
بآين من كلماتكك مدى الزعل لفراقك لها ,:3:
.
.
ف آنتظآر يديدك ,:MonTaseR_205:


الساعة الآن 09:56 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا