محتاجه رايكم
 

السلام عليكم ورحمه الله وبركاته
كيفكم اشتقت لكم صارلي فتره غايبه عن المنتدى

جيتكم وانا محتاره كثير والمشكله تخص اعز انسانه ع قلبي

اختي تزوجت شخص لما خطبها سالنا فقط عن اخلاقه ودينه والحمدلله شخص مهتم بصلاته وماسالنا عن شغله او كم راتبه لان استحينا نسال هالشي بس حطينا ف بالنا اكيد انه موظف وله راتب مثله مثل غيره من الناس اللي يخطبون الا وهم ضامنين الشغل المهم بعد زواج اكتشفنا انه عاطل وماعنده راتب ولا سياره
واختي موظفه ويستخدم سيارتها واستحت تقوله مارح تاخذ سيارتي حتى نحنا ستحينا نتكلم بس هو ماعنده الماده انسان غير مسوول صحيح هو طيب ويحترمها ويحبها بس لا وظيفه ولا راتب طول الايام يكون ع الصفر بدون فلوس والحمدلله مابينهم عيال واختي احسها مهمومه ومتضايقه وباين عليها هالشي وانطفت روحها الحلوه قبل ماتتزوج ياناس وش تسوي قالت ابغا اتطلق بس رحمته لانه طيب كثير ويهتم فيها قالت مادري هو مهتم حبا فيني ولا لانه مالقى احد يرضا يتزوجه ولقاني قدامه كذا امل ويبي يتمسك فيه تقول انا بين نارين وهي تبي الطلاق بس رحمت حاله
للعلم هو خطب كثير وماحد وافق عليه لانهم عارفين انه بلا وظيفه ومال ومايقدر يعيل اسره
ونحنا وافقنا بدون لا نسال عن عمله لان نستحي نسال عن اشياء ماديه
بخاطري كلام كثير مدري شقوله بس هذا اللي طلع معي ان شاء الله تفهموني
قسم بالله تعبها من تعبي وحاسه فيها كثير
اعتذر ع الاطاله

اهلا وسهلا سيدتي
الماده اخر شيء في العلاقه الزوجيه
العلاقه الزوجيه اهم ركن فيها الاحترام الحب والتقدير
انا اشوف انه يروح يدور له عمل واكيد بيلاقي
وقتها الامور بتصير احسن
اما الطلاق فهو ابغض الحلال عند الله
والله ما ابغضه الا لحكمه

دامه يحبها ويحترمها كثيرا فاكيد تقدر باسلوبها تاثر عليه وتخليه
يبحث له عن عمل حتى ولو براتب قليل احسن من القعده
وانها لن تقعد طيلة عمرها موظفه بل ستستغني عن وظيفتها لتربية اولاده بالمستقبل

مش كل مشكله زوجية لها طلاق
صح انها في ضيق مايعلمة الإ الله
والرجال هو الي يهتم ب مسؤولياتة
بس ممكن يدور له على وظيفة
يبحث ويتعب واهم شي تصارحة ب الشي الي يضايقها
والآهم تختار الوقت المٌناسب وطريقة الآسلوب
وتساعدة وتشجعة
حبيبي قبل الزواج مايحتاج الخجل لازم ولي الآمر يسأل عن احوال الي جاء يخطب حتى مقدرتة ايش هي
الله يكون في عونها ... وان شاء الله تلاقي الي يرضيها
والله يخليكم لبعض ... هذا الحل لمشكلتها .. المٌصارحة

وعليكم السلام

قولي خليه يروح يتلحلح يدور شغل بكره راح يصير عندها عيال معقوله بتصرف عليه وعلى عيالها طول العمر الحياه مشاركه ويساعدها ويتحمل المسؤوليه معاها خليها تحن وتزن فوق راسه لحد مايروح يلقى شغل لو براتب بسيط :23: الله يعينها ويرزقه هو بعد بالوظيفه 🌝

.
.
.
و علييج السسلام و الرحمـه ه ،
نورتـي فديتتجج
ي عسى اخر هم و مشكلة تكون هذيي و تنحل ي ربب ،
.
.
غلط انكم ما سالتـو ،
أنتو السبب بالي فيه اختكم ،
شوفي ما اعترض اهم شي الاخلاق و الصلاه و اغيرها هذا شي اساس من غير تفكير ،
بس غلط م تسالون وين يشتغل ....!!
الحين زين الي صار البنت تبهذلت و هي كذا ،!!
خلينا واقعين شويي شي اهم الريال يشتغل ، ما فكرتو كيف بتعيش بعدين و كيف بتكون حياتها ...!
بس صـار الشي ، ما نقدر نقول شي ،
غير انها تصبر و تتحمل و تحاول قد ما تقدر تضغط عليه انه يشتغل ،
واذا ما اشتغل و لا انه حـاول يتهرب ،
ف الاحسن انه تفترق . دام ما بينهم عيـال ،
بس ابغض الحلال عند الله الطلاق ،
بس بعض الاحيـان حل لكل مشكله ،
خليها تحاول ادور له شغل هني و هناك ، و تفهم ان الحياه مش كذا .
تحـاول تضغط عليه عشان يتحرك و يدور له شغل ،
تحـاول تقول له اذا ما دورت بنفترق من هذا الكلام الي يخليه يحس شويي ،
.
.
و ربي يكون ف عونها و يصبرها و يكتب لها كل خيير ،