رعايا الذوات تلاشى الغروب اللي تلاشى وراهـ الظل واشوف الضباء ودحٍ .. خشوفٍ مساريها خشايا يحفّ الخوف بـ حياضها والكلّ رعايا الذوات .. وغاية اللي يراعيها على راس ريعٍ مستبيح المكان اطلّ عتاها شحوب الصيف شحّت مراعيها تفلّ الطريق وكنّها الريح ماله حلّ هطايا .. قوائمها .. كتايا .. ذراعيها وكن الشجر قدامها منحني معتلّ تخاله من الريبة . سجودٍ عماديها توارت كظايا . منتهى شوفتي وتكلّ و يا كثر ما يطري على البال طاريها غدى بي خيالي في مسجّ البعيد اشلّ ثقيلات عبرهـ ... وأتحاشى دواعيها ملاذ القصيدة . يا هما غيثها المنسلّ من اوكاف غيمة وشل تسقي ضواميها عفى الله عني لو نثرت القصيدة كحل على اهداب عينك. سامحيني . وهليها اشوف الطريق اللي قطعناهـ ما له وصلّ يخطّ القدر مكتوبها .. وانت .. ممضيها تحياتي لكم بقلم اخوكم / سالم |
صح لسانك اخي سالم شاعر عذب الكلام وابياتك جميله راقني هذاء البيت على راس ريعٍ مستبيح المكان اطلّ عتاها شحوب الصيف شحّت مراعيها يختم ل3ايام |
يعطيك العافية سالم شاعر متميز بلونك الخاص عنوانك الابداع صح السانك ملايين |
ياسلام ، صح الله لسانك على القصيد الجزل ابدااع |
جزيل فـ الكلام وكثيرآ العطـآء فـ اسطرك إحسـآس وصل.. من بين أحرفك سلمت ودمت وطبت,,:0741: |
،, . . . و يا كثر ما يطري على البال طاريها \ طآريها ’ صح لسسآانكك سآلم ’ نورتت القسسم , ف آنتظآر يديدكك ’ :MonTaseR_98: |
الله عليك شاعر محنك ابيات قويه ورائعه تحية لك |
أن تجتمع الصّورة الفنيّة الجزلة والمفردة الأصيلة الجميلة في نصٍ واحد فهذا ثراءٌ كبير صحّ البوح |
اقتباس:
وللقلم مساحة اكبر من ظلال الشكر وكلماتك تعلو فوق صوت الثناء تحياتي ومزيد ودّي وتقديري |
اقتباس:
ممنون لهذا اللطف ايها القارض شكراً شكراً تليق بحسن الثاء وتزيد تقديري لك ياغالي وفقك الله تعالى |
اقتباس:
صح بدنك اخي عايض العتيبي وكل الشكر لهذا المرور الطيب تحياتي وتقديري |
اقتباس:
قراءة أضاءت مسار اخر من التفاءل وعلى سبيل الأمل أن اكون كذلك شكراً لحسَك العالي ومرورك الطيب تقديري يا أنيقة |
اقتباس:
الله يسعدك نورك اكثر حفظك الله شكراً تكون بحجم الضياء |
اقتباس:
وتحياتي وتقديري لك ولروعة مرورك شكراً ياعزيزي حفظك الله |
اقتباس:
ومما اكثرها ثراءً وهج المرور العذب شكراً بهجتُها انتِ وتقديري |
اقتباس:
:: هلا بالقصيد وفيك يالشاعر اللي حل ما بين الضلوع العرم قدّام ياتيها فرشنا الدروب لعين غيم القوافي زل علشان لا جا الضيف يرتع بواديها // ورب الشمس : يا سالم ما أنت إلّا شاعر من الوزن الثقيل تحمل ما بين أطرافك قواميس من المفرده تسيّر المعنى بأطراف أناملك تصيغ الشعر بفكر وحرفه تصبّه في غالبٍ من التجربه والحنكه فائق إحترامي لأنت : يا جميل :: |
اقتباس:
عسى الله يسلّم راعي الطيب واهل الحل وحيّ الله البيتين ... من طيب راعيها اشوف المودّة نابعة صافية تنسلّ مشاعر عطاها الطيب سامي معانيها جداً شاكر ومقدر لك ياعتيم مشاعرك وحسن ظنك باخوك الله يسعدك يا غالي كل الشكر والتقدير ومزيد المودّة |
الساعة الآن 02:42 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا