نظرة في شرود.. صمتك الظالم قتلني والمكابر مايفيد وش بقى غير الاماني والنوايا والوعود ** ما فهمتيني سنين بتفهميني من جديد وفق الله من بغا له ينطق الحق ويجود ** التقينا في ليالي موتها ماهو بعيد والأماني ماتجدد فالمواقف او تزود ** السوالف والمزوح واجمل الوقت السعيد روحت من يوم قلنا مرحبا بك يالجحود ** شفت فرحة في عيونك تغرق البحر المديد يعني في بعدك هنيتي والسعد جاك بوفود ؟ ** كلها نظرة كذوبة خادعة مثل الجليد تحرق الغيرة عيونك وذاب طرفك بالرعود ** اتعبتني منك نظرة هدت الصرح العتيد مدري هي نظرة غلا ولا نظرة في شرود ** هي سلاحك هي ردودك هي تواصلْك وبريد وآنا من عطفي عليك قلت اجاريها بركود ** لكن الايام تمضي ماتوقف او تحيد وانتي في بالك حكاية عمرها دهر وعقود! ** فكري فالوقت يمكن ياصلك راي سديد ولا خليها عيونك ترسم احلام وورود! |
الشاعر الملهم 💜ملهم الروح💜 صح لسانك مدد بلا عدد وسلم بنانك قصيدة رائعه تعادل ديوان شعر باناظار جديدك احترامي |
صح السانك ملهم مدد بلا عدد عز الله قصيدة من عيون القصيد والجزل مثلك ما يجيب الا الجزلة سعيد انا بهذه الابيات القوية معنى ومبنى تحياتي |
ملهم بالضم وملهم بالفتحه هكذا انت لك من اسمك نصيب صح لسانك عزيزي راقتني تختم ل3ايام |
صح لسانك شاعرنا ابيات قمة في الابداع انا كنت مراهن على ان القادم سوف يكون اجمل وهذا انت برهنت هذا الشي بابداع القصيد تحيه لك ولقلمك شاعرنا |
اقتباس:
صح الله بدنك والله يسلمك ويعافيك شهادة اعتز فيها من قامة بمثلك لها اثرها في هذا المنتدى دمت بتوفيق من الله |
الساعة الآن 10:32 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا