منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   خسارتها ! حصرية للمسك (https://www.al2la.com/vb/t96900.html)

أنا فداهم 05-21-19 03:45 AM

خسارتها ! حصرية للمسك
 
ترديد الأحلام يذبح لكن شعوره
... بيعلمك شالحياة و ويش لذتها !

ووجيه الأصحاب لو تعجبك مستوره
... ما تكشف وجيهها حتى مرايتها !

وشلون أبعشق كلام و ضحكه وصوره
... وأنا من العام فاقد حس ضحكتها

ياكثرها مع غضون الليل وحضوره
... كن المسا ينبي إن الحين طلتها

واقف على بابها وأشكي على سوره
... يبكيني الباب و تواسيه غرفتها

كل المشاريه مثل الورد منثوره
... ياليتني وردها وأسكن بشرفتها

أو ليتني شي مبهم مثل فزوره
بي تنشغل وأنشغل وأصير فكرتها

إن كان الأبيات كانت شبه مغموره
اليوم صارت هي أبياتي وغنوتها

هي ملهمة شاعر وهي كل جمهوره
هي جرح لكن تشافيت بسلامتها

يا جروحي الأوّله طبتي و ماجوره
والنفس دايم تنبّه بعد غفلتها

ماعدت أنا الشاعر اللي يفهم شعوره
الحين أنا أعظم خسارة من خسارتها

سمو المجد 05-21-19 03:55 AM

يا جروحي الأوّله طبتي و ماجوره
والنفس دايم تنبّه بعد غفلتها

صصح لسسانك واعتلى شانك
ابيات جله والله
والكلمات متناغمة
ابدعت :ورده:

يختم لثلاث ايام + تقييمي

تحيتي

القارظ العنزي 05-21-19 08:00 AM

بل انت كلك حصري للمسك يا فداهم
صح السانك على هالقصيدة والتي هي عين
من عيون القصيد ، بل من اعذب ما قرأت لك
والله انها قد فرضت نفسها على الشعر
والشعراء . فطبت وطاب شعرك ايها البطل .

alwafa 05-21-19 09:58 AM

،,







وشلون أبعشق كلام و ضحكه وصوره
... وأنا من العام فاقد حس ضحكتها


ضحكتها , :outhg!:
صح لسآنكك ي آفداهم ’
آبيآتكك مره حلوه و الندم وآضح و الشوق بآٌقي
و تمنى لشي رآح ,
.
.
من معجبين لـ آشعاركك ,
ف آنتظآر يديدكك ,
:MonTaseR_2:

فراشة كريستالية 05-21-19 04:55 PM

فيض من الجمــال الَذي سكبته
تلك الَـأنــامل الالمــاسية ..!
طرح مٌخملي ..,
كل شئ مختلف هُنــا
يعطَيك العآفية ..
بإنتظآر جديدك بشغف :نبض:

وهج 05-21-19 05:35 PM

أنتَ هُنا في هذا النّصّ شاعر التّفاصيل المُرهفة
النّاطقة بجماليّة عالية ، سهلٌ ممتنع ، أشبعت الصّورة
بلمستك الفنيّة الخاصّة ، وبإحساسك الّذي يُراهن عليه دومًا.
كانت من أجمل الحصريات وصداها الجميل عالق.


كل المشاريه مثل الورد منثوره
... ياليتني وردها وأسكن بشرفتها


هي ملهمة شاعر وهي كل جمهوره
هي جرح لكن تشافيت بسلامتها


الساعة الآن 12:45 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا