حقك عليه ... يالشايب
خلاص ماعدنا ....حبايب
عن هواك انا .......تايب
دامك ماصفيت ....النيه

بس لا تجيني .... تنوح
تقلي القلب .... مجروح
وتنادي احلام ... يالروح
ظمي بايدينك .... ايديه

اوى تصدق ...... كلامي
يا اول وآخر ....... غرامي
طيفك زارني .. باحلامي
يهمسلي بشوق وحنيه

شهادة نعتز بها ووسام
نتوشح به استاذي الكريم
احمد العالمي لاهنت

اول مرة ...... تصدقيني
واول مرة ...... تفهميني
شايب لكني ....... لعيني
افهم ذية وافهم ..... ذية

ما تلعب بي .... النشمية
لو حلاها ما به ...... زية
اولوية ........... واولوية
تفهمني قبل ....... البرية

فهمني ويش اللي . ناوي
قبل يكشفني ... الضاوي
ويلعب بي لعبة .. الهاوي
ما همه وش حصل .. ليه

ودي لو مرة ... صارحني
بلاش تهدد .... تجرحني
شوية والا ..... تصلخني
كأنك صرت ي .... شرية

واعرفك بنت . النشامى
ترفع الذوق ... وتسامى
مانتي من ناس . تعامى
عن حقي وانت النشمية

الكريم اليا ....... كرمته
برفعة اخلاقه ....ملكته
وليا قدرته ....واحترمته
مايجيلك منه........ اذيه

انت والله ذوق...وراقي
وكريم ورفيع .. اخلاقي
وانا على صحبتك .باقي
لو عادوني كل ... البريه

بنت النشامى ما . تجرح
بس من عشمنا كنانمزح
عيوني بشوفتك... تفرح
اليا شفتك مقبل .. عليه

هذا عشمنا ... ومعاك ي
ترحمنا ونعطف علاك ي
وارمي بالدنيا .... وراك
اوخيك وانت ي توخية

انا حاضر على عهودك
قولي واكتب ي ببنودك
فقرة فقرة ... لا يكودك
قولي وانا حاضر .. هية

يالله نقهر .... الحسادي
ما علينا الغادي .. غادي
وانت من بنات . فوادي
واعتبري قلبي ... هدية

وان بغيتي .. تذبحيني
انا فدوة لك .. يا عيني
فقط تكفين .. ادفنيني
على السنة ..... النبوية

حتى ما تاكلني . ضبعة
والا سبع ولد ... سبعة
والا شامت هو . وربعة
امانة ....... يالعدوانية