|
أسئلة حارت https://mrkzgulfup.com/uploads/15590125963351.jpg راح من عمري كثير وراحت احلامي معاه والاماني واليالي والسوالف والمزوح ** مابقا غير الحقيقة واتضح درب مشاه هي صحيح اقسى ومُره بس مو مثل الجروح ** يازماني وش بقا لي انت تدري وش وراه المشيب وراس خالي من تفاكيرٍ صروح! ** بَيِّتْ العمر برحاله واكتسى الوقت الشقاه وارتجف قلبٍ حزين من همومٍ ماتروح ** وين صوتك وين همسك وينه اعطف من غشاه الدفى واحساس صادق لجله حروفي تبوح ** كان عندي كان يمي كان حولي من خذاه طار مني راح عني اصبح اوهام وشبوح ** ليش ياصدق المشاعر زايدٍ في القلب آه كلما قلنا اهتنينا جد في قلبي قروح ** اسئلة حارتْ في راسٍ شاب من ظلم لفاه واجوبة يِجْهَل مداها فوق بركانٍ يفوح ** انتظاري لك تجين احرق الصبر بلظاه طال صبري وطال بعدك وانتْ ياقلبي تنوح! ** فوق رملٍ من لهيب تمشي الرجل وْتْطَاه الحقيقة هي سرابْ وانتهى حلمٍ شُحُوح مُلْهِم الروح 2011م |
صح لسانك وانت فعلا ملهم انتظر كتاباتك بشغف دمت |
اقتباس:
سعود يشرفني مرورك الكريم دوما صح بدنك |
صح لسانك عزيزي ملهم ابيات جميله تختم ل3ايام |
صح لسانك شاعرنا ملهم الله عليك وعلى ابياتك الراقيه تحية طيبة لك |
اقتباس:
صح بدنك عزيزي مساحة قلم كل الشكر والتقدير على (الختم) تواجدك دوما بمتصفحي وفي كل كتاباتي سعادة غامرة لا توصف.. |
| الساعة الآن 12:54 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا