ما جابني صوت المطر
ولا جابني همس وعطر
ما جابني غير الغياب
الي من أسبابه بغيب..

انكسر قلم ولا تكتب حروف
حتى لو نقطة نهاية في سطر

انكسر عز ولا تحسبه خوف
الجبان الي بقا يكتب عذر..


ملهم

انا جيتك
انا جيتك
من ايامي انا جيتك

انا جيتك حجر مفتوت
انا جيتك صدى من صوت

انا جيتك سواليف
ترنم يأسها صوتك

انا جيتك مشاريه
تخيل عزها شوفك

انا جيتك من غيابك
من احزاني وافراحك

انا جيتك من الماضي
وانت الحاضر الميت..






ملهم..

ايه.. ايه. ايه..
ايه...
ايه....
ايه يالي جابتك ريح السنين..
ايه يالي جابتك دمعه وحنين

ايه يالي سالين عني ونسيت

إيه يالي مسرفن فيني ظماه

جيت بعد ايش
جيت يالغايب


جيت بعد ايش
جيت لو تايب

الحقيقة اني ما املك دموع
والحقيقة اني ما املك هنا


الحقيقة اني احرقت الشموع
والحقيقة اني ما عدت ب أنا




ملهم...

يا اخر همسة في عمري
واخر لمعة في عيني
يا اخر هم ودعته
واول حزن لونته

يا اخر كذبة في سطري
واول نقطة في حرفي

الا يا انك النسيان
الا يا انك النكران


إلى المنفى إلى الغربة
إلى الاوفى بك وقربه

إليك الظلم يقتاتك
إليك الكره اشتاتك




ملهم..

صباح الأمل