|
جيتك أبوح ../ حصرية أولى . أسعد الله قلوبكم حصرية أولى علها ترتقي لذائقتكم ،، لو لمحتي كسر شعري تفادي .. مكسور حالي وفوق هالكسر ضيقه .. جيتك أبوح اللي بخاطر فؤادي .. دامك حبيبة قلب و أجمل رفيقه .. ودي أسافر بي و أنسى بعُادي .. الين ألآقي للحقيقه حقيقه ! ودي الآقيني وحقق مرادي .. وأشوف قلبي عاد يلمع بريقه .. غريب تايه لو أعيش في بلادي .. عجزت ألآقي حل لي أو طريقه .. عجزت أحقق في حياتي مرادي .. و هذا الندم يوقد بصدري حريقه .. أسهر مع ليلي و ارافق سهادي .. وتضج في روحي جروحي العميقه .. عشت العمر ما بين فكر و مبادي .. حدتني أخلاقي وقيمي العريقه .. لا تحزني محتآج صوتك أيادي .. تشليني من هم قلبي وضيقه .. محتآج لونك يمحي لوني الرمادي .. من بسمتك لوهي مجرد دقيقه .. يلا تعالي واللي بيصير عاااااادي .. ( غرقان في حبك وانتي غريقه ) لـ الـولـه . |
إلين الاقي للحقيقه حقيقه صح لسانك يا عزيزي نعم ارتقت ووصلت قصيدتك الجميله المتميزه تختم ل3ايام |
الله عليك اخي وله والله قصيدة جداً جداً راقية وقوية الله عليك وعلى ابداعك في شوق للقادم تحية طيبة لك استاذي |
الله الله يا صديقي .. وله .. اشتقت الى معانقت قصائدك ... قصيده جدآ راقيه ومن النوادر لشاعر المبدع .. وله .. قصيده من النوع الفريد ولا تقدر بثمن ... دائمآ عذب السجايا انت يا .. صديقي .. صح اللسان وسلم نبض الفؤاد والاحساس المرهف والبنان ... لله درك يا وله شاعر مختلف يا الغالي ... لا خلا ولا عدم ... |
رائعة جداً أحببتها كثيراً سلسة و عذبة أحسنت و صح لسانك |
،' منور وله ه ، اول موضضوع لگ ، صصصصح لسسسانكك ، هذا الي حال المشتـاق للحبيب ، الابيات مره عيبتنِي ،:رجل خجول: ف انتظار يديدك |
| الساعة الآن 03:28 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا