|
امطرني اكثر بوابل الاشواق ليس قلبي فقط من يعفو ويشتاق بل احساسي وسمعي ونظره الاحداق غيث اشتياقك يروى مشاعر كتمت حبها علي استحياء لك مني ماتكته لي با واكثر مما تتخيل لو اخبرتك انني بت اخشي النوم حتي لا افقد لحظات لقيانا وان كل تفاصيلك استشفيت طقوسها حتي ملامح وجهك وقلبك حفظتها عن ظهر قلب وكاننا التقينا وحكينا وبمتن الغيمات غفينا هل تدرى انني عشقت لون عيناك دون ان اراك وتخيلت كيف يكون غضبك ومتي ومتي تغار وممن وكيف تبتسم عندما يمرك طيفي ويزيدك حنينا حتي قرارات اتخذتها كى تنساني او تحاول ان تتناساني كنت علي درايه بها وان قلبك لم يطاوعك بعدها فاحببتني اكثر ورغبتني اكثر وتمنيتني اكثر واشتقتني اكثر اليس كذلك |
هالسللفه مستحيل انساها كل ما طرت ع بالي متت ضحك قلت يابنت اسدحيها خل زوار مدونتك يشاركونك اللحظه ههههه بطبيعتي احب الاطفال وكل مااجتمعنا كل الصغار يلتفون حولي كني من المشاهير هههه واقعد احكي لهم حكايات من جد احس بطفولتي معاهم النهم بنت من قرايبنا عمرها ذاك الحين تقريبا سبع سنوات بنص السوالف سالتني ايش هذا اللي بخدك تقصد غمازاتي قلت هذى اسمها غمازه قالت مره عاجبتني من وين شاريتها قلت ماشريتها جبت مسمار وسويتها بخدودى علي بالي اني خفيفه دم المهم بعد كم يوم الا امها تدق علي وهي مرتاعه الو ساره يامجنونه قلت وش في وانا تاسيه ذيك السالفه قالت نوف بنتي دخلت عليها عرفتها الا بيدها مسمار كبير وتحطه بخدها والحمد لله اني لحقت عليها قبل تجرح نفسها يوم سالتها وش تسوين قالت ابي اصير زى خاله ساره بغمازات الام بغت تذبحني وهي ميته ضحك وانا من عقب هاليالفه ابت امزح مع الصغار هههه الحمد لله عدت علي خير |
صباح الخير لكل من مر هنا واعذروني للاخطاء الاملائيه الحماس ومايسوى |
شكرا لمتابعيني حياكم وبياكم وشكرا للدعم المعنوى واللوجستي هههههههه |
احساسي تجاهك لا اريد ان امنحه مسمي لانه اعذب من اي وصف او تعريف اغمض عينا قلبك وانعم بهدوء احساسي فقط |
زوار مدونتي الاعزاء عندى لكم خبر مدرى بيفرحكم ولا بيزعلكم الاسبوع الجاي بغيب عن المنتدى لاني بسافر مع العروس تجهز من الحين بفقدكم واكيد لو حصلت فرصه بدخل اطمنكم عني واطمنكم انتبهو لمدونتي ولا تخلونها ههههه |
وانت الحاكم بامرك علي قلبي والمنفرد والمتفرد وباحساسي متوحد وبوجدى متمكن واكثر منا تتصور |
ربما في ذلك الصباح تلتقي اشواق الارواح |
بعض السكوت يزعج اكثر من ضجيج البوح |
لجل عين تكرم مدينه شكرا للتقييمات التي تبعث في نفسي السعاده لاخلاولاعدم |
ممتنه. لكل نسمه حملت اليك ولهي واشتياقي |
يامقلب القلوب ثبت قلبي علي دينك وطاعتك |
واغتنم من الوقت الكثير لاحظي بذلك الشعور واجتهد في ذلك واسعد عندما اشعر انك تمتلك نفس الشعور |
سيموت في عينيك اشخاص احياء وستندم علي اشخاص اموات ستتبدل مقامات الناس في قلبك وستدرك ان العبره ليست بالكثره وان خلاصه الاوفياء تكمن في البقاء بجوارك اينما كنت وكيفما كنت فلا تهب احدا خيرك كله ولا تسرف في مشاعرك في ان واحد |
استعد لتجهيز حقيبه السفر ولن انسي ان اضع فيها طيف وهمس واحساس |
رغم نضوج تفكيرى الا ان مشاعرى الطفوليه تطغي علي احاسيسي لك ان تتخيل ان تعشق انثي بروح طفله وماادراك ما الطفوله نقاء شعور اؤمن جدا بالحكمه التي تقول كن طفلا في الشعور فصفاء النوايا جنه هذه انا رغم كل ذلك النضج الا ان تلك الطفله احتل المساحه العظمي من احاسيسي فهنيئا لك بطفلتك المدلله |
برجع اجكيلكم عن مغامرات لندن طبعا وكما هو معروف ان مافي بهالديار دلع يعني سوبر ماركت انت تحط اغراضك عالسير وانت تحطها بالاكياس اللي هى عندهم عدوه البيئه المهم رحت انا وبنت عمتي نقضي ونعبي عربيتين مليااااانه وكذا كاشير الا لقيت اقل صف قلت مشينا يابنت الماشير حرمه من ساوثدافريكا واسمها ايستر وشدراني اكيد بتقولون مالكم بالطويله انا لقيت ايستر معمله شعرها نفس الافارقه المهم عبينا الاكياس وخنا مانشوف الدرب وقلت لها حلو شعرك بالنقلش طبعا. احلفي قالت شكرا قلت وش اسمكقالت ايستر ونعم ببنت ساوث افريكا المهم مشينا بعد كن يوم رحنا نفس السوير ماركت لانه اكبر واحد بالمقاطعه اللي حنا ساكنينها واقول لبنا عمتي مشينا شوفي ايستر ونطمر لها واطق معها سوالف لين خققت امها وطيرتها قامت تفتح لنا الاكياس طبعا حركه خارقه ذى بالنسبه لنظامهم بنت عمتي طارت عيونها قالت الله يخس ابليسك شلون برمجتيها قلت ابد كاريزما طال عمرك هههههههه المهم رجعنا ثالث مره وايشتر تقوم وتخمني وبوسات وخمخمه ووحشتيني وتفتح الامياس وتعبي اغراضنا وتحطها بالعربيهوالانجليز ودهم يزنطوني سخره الله وكيلكم يوم طلعنا بنت عمتي تقول ماني مصدقه طيحتي ام برستيجها قلت حبيبتي شخصيه ههههههه عاد يوم جيت ابرجع الرياض رحت ووصيتها علي بنت عمتي قلت انا بروح انتبهي لها كني موجوده بعد ما سحبتها بالحكو واخذت السي في حقها متزوجه وعندها ثلاث اولاد وشوى وتبكى بحظني هههههههه وكانت ذى اخر مره اشوف ايستر بس كل ماكلمتني بنت عمتي تقول تسلم عليك ايستر قلت عساها تسنعك قالت بيض الله وجههاً ماشيه علي اوامرك طال عمرك ههههههفعلا الاسلوب ياناس يخقق فديتني بس هههههه ولي باك مع مغامرات لندن يتبع |
ضرب من الجنون ان يكون ايمانك بان حلمك مهما كان مستحيلا فهو متاح هنا يبدا خيالك في نسج سيناريو تحقيق حلمك وكل خطوه تقربك من تحقيقه وكلنها اميال احلم دام واقعك لا يتسع ذلك الحلم وتاكد بان لحظه تحقيق ذلك الحلم ستكون نقطه فاصله في تغيير مجرى حياتك |
وهجرني الحنين واحتشد عند حدودك متاهبا لغزوك فغزاك وتوغل بارض مشاعرك فانبتت عرام واشتياق وهيام المجد لحنينك وهمسك وحلمك وطي الكتمان شعور لم يصلك بعد فلك القرار ان تستشعره او يبقي بقلبي ليكبر ويكبر |
من راقب المحب مات شوقا |
احسد الطيور كل السما وطنها |
اشتقت فجئت لاقرأ سطورك ولكن شغفني اكثر مابين سطورك |
وبعض السكوت يغذي احساسي وينعش فؤادى ذلك الصمت المبطن بحنينك يغمرني وتذوب حروفي شوقا ووله |
وضعفي يحتاج قوتك واحساسي يرتجى قربك وحرفي ينعشه همسك |
اغداالقاك عندما اسمعها اشعر وكان ام كلثوم هي انا يالروعه الكلمات والموسيقي والاحساس |
واكتفي شعورى بذلك البوح وتلك الكلمات وكانني ملكت السماء والنجمات والغيمات |
ولا زلت اكتب خاطره وليده اللحظه احببت ان اكتبها قبل سفرى وغيابي علها تكون همزه وصل بغيابي |
علي عجاله يسرق العمر اجمل لحظات السعاده ودائما اتسائل لم تمضي الاوقات الحلوه مسرعه لا نكاد تحفر في القلوب ذكراها حتى تداهمنا اوقات عصيبه وتجرفها كالسيل العارم وبالرغم من سرعه مضيها الا انها تمنحنا انتعاش للروح يجعلنا نستقبل نقيضها بنفس راضيه |
شكرا من القلب لمن صوت لمدونتي واللي مابعد صوتو شكرا ههههه |
وكمانباك لعيونزوار مدونتي وعيون اللي صوتو لي لا خلا ولاعدم ونرجع لمغامرات لندن كل ويكند كنا نسافر بالقطار لندن من باب وساعه الصدر وكذااا المهم واحنا راجعين مره من المراريت كانت الساعه وحده بعد نص الليل وميتين جوووووع المهم شرينا همبرقر وبطاطس وقاعدين ناكل وقدامي رجال تقريبا خمسين عمره ويطالع بالاكل قمت اعزم عليه من باب الاتيكيت فديتني بس هههههه لا والله بس صعبه تلكل وتحس اللي قدامك عينه طايره وجايع وما تعزم واناكريمه وحنونه وذا اللي ذابحني اخلصي المهم مديت له بطاطس قام اخذ بدون ايهجل وكأنها حقته وانا اللي ماخذتها هههه قمت اعطيه بطاطس وياخذ لان انا لي طقوس اكل البطاطس اول وبعدين امخمخ بالهامبرقر حسب نسبه الجًوع المهم خلصت البطاطس وبنت عمتي تقول كلي بياكله كله وانتي جايعه قلت حرام شكله جوعان خله يعرف اخلاق الاسلام طبعا انا لابسه حجاب قلت اصير سفيره الاسلام بلندن هههههه امحق مالكم بالطويله يوم فتحت الهامبرقر وطارت عيونه وقمت مديت له الهمبرقر بس بحركه استراتيجيه من بعيد يعني شم ولا تذوق اسلوب نذاله علي بالي شبعته البطاطس وبيقول شكرا الا طال عمره مد يده وانا اللي اسحب يدى علي ورا يلعن ابليسك ماشبعت وانا بموت جوع قالت بنت عمتي هاه يالسفيره ورا ما تعطينه وتاكلين خوا قلت لابوالسفيره لابو الشيطان وسميت بالله واكلته علي طريقه شارلي شابلن بغيت اغص هههههوهو عيونه تقول. سم هارى الزبده لا بغيت تصير سفير بهالديره سو نفسك ميت ابرك لك هههههههههه ولي باك ياحلوين |
لا تستهينوا بالكلام الحلو وربي انه يمنح السعاده ويحسسك ان مكانتك في قلوب احبتك كبير انا مثلا اي كلمه حب طالعه من قلب عندى اغلا من كنوز الكون الاحساس الصادق هو اغلا من الماديات حتي الهدايا ماعمرى انتظرت ان اللي اهديه يردها لي يكفي اشوف فرحته فيها ترى الكلمه الطيبه صدقه وتبسمك في وجه اخيك صدقه تصدقوا واسعدوا احبتكم اهديكم ورود بالوان الطيف لاني اعشق الورد ربي يقويكم علي حلو الكلام اللي ينعش ارواحنا:قلب ازرق: |
وصمت الشعور مليء بضجيج الاحتياج |
تركت هنا بعض من احساسي والبعض الاخر خبأته في زوايا تحتضن كل البعض ساحضر كل صباح عند شروق الشمس واجلس علي تلك الشرفه واحتسي تلك القهوه واستمع لفيروز الحالمه واتلصص بناظرى وانت تبحث عن طيفي وافرح عندما تشعرني وباحساسك تغمرني |
هذه ليلتي وحلم حياتي احساااااااااااس هالاغنيه غير |
انشغلت عنكم اليوم تجهيز للسفر وماادراكم دعواتكم اخلص بسرعه. وارجع لان اكره مالي اللفلفه بالاسواق المهم ادعولي مااتعب مع تغيير الجو |
ووقت ياخذني من تلك الزوايه طويل ثقيل وليله طويل ولكن من المستحيل ان ينجرف احساسي الا نحوك حتي ونحن متباعدين |
استودعكم الله الذى لا تضيع ودائعه برب |
شفتو ماقدرت اصبر عنكم وجيت اتطمن واطمنكم :x117: |
وذلك الشوق اتاني محملا بالكثير من الوله وصاحبه الكثير والكثير من احتياجي لذلك البوح الهامس الذى لقلبي يلامس وانا اتجول في شوارع فرنسا ارسلت لك اشتياق تعدى كل الحدود وددت لو تقاسمنا روعه الجو والطبيعه الخلابه افتقدك وافتقد اشتياقك |
علي قدر انتظارى لهمسات تحيي قلبي امطرني وابل احاسيسك فانعش مشاعر كانت عطشي وروى جفاف احتياج وانبت زهور الوله في ارض انتظارى |
| الساعة الآن 12:26 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا