صحيح ان الهوى قاسي ولو طعمه قراح زلال
 

مساء الخير يانبض الخفوق اللي ربا واختال
على كل القصايد والقوافي جاز له ذكره

مساء الورد لاهبت ذعاذيع المساء ثم مال
تهيّض له خفوق ٍ قصته بالجوف محتكره

من أولها مشى طرقي على درب الهوى رحال
تعذب والمسافه طولت ونفوسنا تكره

صحيح ان الهوى قاسي ولو طعمه قراح زلال
عليه من الضرم قلب ٍ تعلق سج به فكره

سرى مع هجعة العالم وجوفه لج به موال
على ذيك الليالي لاطرت ياكنها سكره

يهزه قلبه الظامي وهو واقف على الأطلال
ألا ليت الليالي في يدك له مخيَط ومكره

تجره ساعة الذكرى لناس ٍ له هنا منزال
تلاشو عن سمانا والحشا مازال مفتكره

يجون بحزة ٍ فيها سعة صدر وسعادة بال
ويهيم بعالم معهم خفوق ٍ يرسم الفكره

تناسا سبة الفرقا وقرّب قصة السلسال
جنون العاطفه صفا لجوفه موية ٍ عكره

سرح مع وقته الماضي ولاعيّن ياكود ظلال
ولكنه سمح من خاطره ماكان مبتكره

عسى الله يدمح الزله ويقبل صالح الأعمال
إلي أنعمك بالعافيه من واجبك شكره

عسى الله يدمح الزله ويقبل صالح الأعمال
إلي أنعمك بالعافيه من واجبك شكره
.،
آمين يارب
صح السان شاعرها , ولاهنتِ ع الإنتقاء المميز .'
لروحك اليآسمين .'
:رحيق:

يهزه قلبه الظامي وهو واقف على الأطلال
ألا ليت الليالي في يدك له مخيَط ومكره

الله عليك قمّة بالروعة
موسيقى تعزف داخل ابيات رائعة
اشكرك على ذوقك وجمال كلماتك

كل الشكر والامتنان على روعهـ بوحـكـ ..
وروعهـ مانــثرت .. وجماليهـ طرحكـ ..:ورده:

مروركم جميل

انرتوا ي عبق 🌹