منتديات مسك الغلا

منتديات مسك الغلا (/vb/)
-   همس القوافي - شعر - قصائد •• (https://www.al2la.com/vb/f5.html)
-   -   ياقسوة الوقت غني بالحشـى غنـي (https://www.al2la.com/vb/t98094.html)

حنآيآ الروح 07-05-19 08:50 AM

ياقسوة الوقت غني بالحشـى غنـي
 


.
.
.
ياقسوة الوقت غني بالحشـى غنـي
خليني اقدر اواصل عـزف وجدانـي

كم لي وانا ارقّص احلامي على ضني
واطرد هذيك الاماني بس .. ما امداني

كل السنين العجـاف اللـي توطّنـي
ماضرني جورهـا يـوم الله انجانـي

اشكر ضروف الحياه اللـي تعرقلنـي
من كثر ماطحت صرت مفتح اعيانـي

واشكر هذيـك الليالـي يـوم بكنّـي
وخلتني اشـوف احبابـي وعدوانـي

وباقـي سنيـن العمـر لامايهمّنـي
بعيشها بيـن هاجوسـي وقيفاني

ولو الليالـي تنسـي كـان نسّنـي
نسّني اسمـي وتفكيـري وعنوانـي

نسّنـي الجـرح والغربـال والونّـي
نسّنـي طبعـي وعاداتـي وجدانـي

يانبرة الجرح كم لي ماضحـك سنـي
كم لي وانا في ديار الحزن وحدانـي

اتبع هجوسي ولا ادري ويـن ودّنـي
واليا نسيت الحزن صـوّت ونادانـي

صوت الحزن حيل يشغلني ويذهلنـي
تهزنـي نغمتـه وتقـول ينخـانـي

ماغيرها شـي مزعلنـي ومحزنـي
متى تهب الصبـا وابعثـر احزانـي

يانغمة الحزن صوت الحـزن جننـي
زادت جروح السنين وطال حرمانـي


مما أعجبني.. :MonTaseR_2:

قصيدهـ من إبدآع الشآعر / تركي سعد السبيعي

هاجسي 07-05-19 03:07 PM

السلام عليكم


اختيار موفق .... صح لسانك ولسان شاعرها



دمتي سعيده .

حنآيآ الروح 07-05-19 04:02 PM

اشكرك على مرورك هاجسي
منور صفحتي :17:


الساعة الآن 11:01 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا