كيف اتصرف مع زوجي السلام عليكم انا مشكلتي مع زوجي انه بارد عاطفيا مع اني ادري انه يحبني والله احيانا اسميه قطعة الثلج جاف عاطفيا مايعبر لي عن حبه لي او شوقه لي يعني ممكن يطلع من الصبح ويتاخر لليل ويتصل مرة وحدة بس ويجي البيت بالليل وعادي عنده سواء جلست جمبه او نزلت من عنده ما يقول لي تعالي حبيبتي مشتاق لك اجلسي جمبي وكذا احس احيانا وجودي جمبة من عدمه واحد مع اني حاولت معاه كثير انا متزوحة الحين من 8 سنوات ونفس الشي وانا رومنسية ومحتاجة يقول لي كلام حلو يحضني وكذا بس هو ما يعرف هالحركات حاولت كثير اعوده بس في احيان كثير احس اني اتنازل من غير فايدة هو انسان طيب بس مشكلته جاف عاطفيا مايعرف يتكلم لما اجلس اتكلم معاه يقول لي انتي كذا تضغطين علي وانا اصلا قليل الكلام وانا كذا وما راح اصير مثل ما تبين ولا راح اتغير لا تحاولين معاي ولازم نحترم اختلافاتنا بصراحة تعب من جفافه العاطفي وكمان اغلب الاوقات ما نجلس مع بعض حاولت اني اعوده علي واجلس معاه بس هو كل شي عادي عنده جلست جمبه عادي واذا رحت من عنده عادي بعد عندي منه ٣ اطفال ولد وبنتين لما اجلس معاه يا انه يكلمني عن برنامج تلفزيوني او يسالني عن العيال كيف كان يومهم . على فكرة ترى احنا عايشين ب بيت اهلي بدل ما ياجروه عطوه لنا وهم يجون بالايجازات ويرجعون اهلي عايشين بالسعودية وانا باثيوبيا اديس ابابا وكل مصاريف ملابسي وملابس عيالي اهلي يجبونه لي هو بس عليه مصاريف الاكل والشرب ومصاريف المدرسة من دفاتر وشنط الاولاد وكمان يدفع قسط مدرستهم .. والله محتارة مدري كيف اتصرف لما اتقرب منه احس اني انزل من نفسي ومن كرامتي لاني حاولت معاه كثير ولا حياة لمن تنادي ولما اهمله مايهمة عادي جدا عنده ياريت تفيدوني كيف اتصرف معاه ولا عمره قال لي حبيبتي خلال زواجنا ال 8 سنوات انا اللي دايما ابادر . انا اللي ارسل مسجات الحب وهو يرد وذا ما رسلت عادي جدا عنده يكمل شغله ويجي ولما اروح من عنده ما يطلب مني اني اجلس معاه ما يقول لي اشتقت لك اجلسي جمبي يعني ممكن يجي يوم كامل ما يشوفني فيه غير 5 دقايق او اقل وعادي عنده هل هذا الوضع الطبيعي لاني اللي اعرفه ان الزوج الطبيعي يشتاق لزوجتة يطلب منها تجلس عنده وانا مليت من حياتي معاه لانها روتييين تعبت تعبت منه ياريت تفيدوني... بس للامانة هو يجيب لي متطلباتي كلها اذا قلتها له... |
تبين صراحه انتي ماراح احد تلاقين احد يقول حب ولا شويه رومنسيه لا تخربين زواجك ع شي هذا عيشي حياتك حولي تكوني بارده هو قال ما رايح يغير انتم صار لكم 8سنوات مايجي كلام رومنسي الا بوقت الشوه ع ما أظن فهمتي قصدي غير كذا انسي امسك رجالك لا تخسرينه ع اشياء هذي. هذولا الرجال كثير عيال 8سنوات ع ثلاث عيال بس. الاطفال هم سندك لا كبرتي نصيحه لا تخذك عاطفه ع اشياء ثانيه. فكره بعقلك. |
تجي فترة على الرجال المتزوجين يمرون ببرود عاطفي حاولي تلقي حلول زي نطلع نتمشة نروح مطعم رومنسي نسافر شوي ساعات طبيعة العمل لها يكون متنكد بدوامه طايح بمديرة متسلطة زي حظي انا خخخخ وهكذا |
اقتباس:
|
وعليكم السلام مشاعر الود والحب موجودة وقناعتكم ببعضعكم أمان انتي عندك نعمة يا أختي كثير بين الازواج لا يملكونها وهي أمان العاطفة واستقرار المشاعر بروحه الرائعة انتي مشكلتك صغيرة وحلها برضو سهل نوعية زوجك من الرجال الذي يلفت انتباهه التغييرات من كماليات الشخصية لباس مكياج موعد تغيير ديكور لليلة عاطفية وهذي الامور انتم النساء اعلم بها اكثر من الرجال بتوفيق |
وليه ما يكون السبب منك انتي؟ ليه مو انتي اللي تبالغين أو وصلتيه للبرود اتجاهك يمكن انه يحبك اكثر من حبك له لكن حبه في عمله لأجلك ووفاءه واخلاصه ومحافظته على اسرته وغيرها |
اقتباس:
|
اقتباس:
|
اقتباس:
كوّنني بارده زيه اكتمي مشاعر اللي عندك انتي حولاتي تبين شي لكن ما حصل حولي تفكرين شي ثاني افهم ي بنت الناس لو يبي يقول كلام حلو رومنسي كان قالها من نفسه غيري من نفسك حولي تكتمي مشاعرك وضحي انك كل شي عادي لا تطلبين منه شي ولا تحاولي |
اقتباس:
|
فيه اشياء بديهي الانسان يسويها بدون ما يقوله احد سوها .. مثل العطش .. الانسان الطبيعي يروح يشرب موية .. طيب لو كآن طفل رضيع ، يعبر عن العطش بَ البكآء .. زوجك بارد ، لان يعبر عن حبه لك بأفعاله يصرف ويحاول يجب متطلبات الحيآهـ زوجك عملي جدا قليل ما يتأثر بالحالات النفسية .. لان ما يعرف يتصرف في اغلب الامور .. ولكن !! برودة زوجك وجفافه .. إلا أنه مخلص لك أكثر من اللي يشبعك كلام رومنسي .. هنآ تطمنين عليه ان عينه ما راح تروح لوحده غيرك .. لان هو يعاملك بشكل جدا كزوجة الوحيدة في حيآته .. ^ حآلة زوجك شبيها لـ حالة زميلي بَ العمل .. |
المشكلة ليست بذلك السوء واهم نقطة اياك والوقوع في فخ المقارنة او الاكثار من مشاهدة المسلسلات الرومانسية زوجك هذا طبعه وهو عنيد وصعب تغيري طريقة تفكيره التي يعتبرها البعض تقليدية لكن ممكن تتشاركوا نشاطات بعيدا عن الرومانسية توجد اجواء تخلق السعادة وتقارب بعيدا عن اي كلام مؤقت اخلقي اجواء بينك وبينه وبين اولادكم حتى ولو ليوم واحد في الاسبوع خلوه يطلع من نفسه و الشخصية التي تعود عليهاا داخل كل انسان انسان اخر وواضح ان زوجك شخص طيب وواضح حاولي تغيره بطريقة التي يريدها هو بعيدا عن الطريقة التي تريدنها انت ابحثي عن الجو الذي يناسبه بعيدا عن اي رومانسية المهم ركزي مع اطفالك واشغلي وقتك وجعلي من هذه المشكلة اخر همك حتى ترتاحي نفسيااا وبعدها ممكن تتغير نظرتك للامور |
با عزيزتي من الضروري ان نفهم اختلاف الطبائع وفوارق التفكير وطرق توجيه المشاعر فهم هذه النقاط يساعد على فهم الاخر فالصمت ليس بالضروره دليل على ان الشخص غير مرتاح او متقبل ربما هو ذو طبع هادئ كما يقول و لا يجيد الحوار سؤال يطرح نفسه ؟ هل في بدايه العلاقه كان هناك حوار ثم اختلف الوضع بعد فتره من الزمن اذا كانت الإجابه لا فكلامه صحيح وإذا كانت الإجابه نعم كان هناك حوار ثم اختلفت الأوضاع فالسبب غالبا هو في إداره الحوار بشكل خاطي ادى إلى هذا النفور نوع الحوار مهم بحيث يكون حوار بعيد عن الاحباط والانتقاد واللوم مشكله البعض ان الحوار اليومي بينهم اما شكوى او طلبات او لوم او عتاب او هجوم ثم انفعال ومشاده وكلام كثير وفي النهايه لا يخرجون بمضمون مفيد من هذا الحوار فالصمت حينها يكون رده فعل و خوف من ردود افعال الطرف الاخر طريقه بدايه الحوار مهمه بحيث لا يكون الحوار دائما للشكوى والتذمر بل حوار مغلف بالود والاحترام ويبداء بكلام ايجابي ونبره صوت هادئه فيها سكينه وسلام تشعريه انك مقدره ومتفهمه لحجم الأنشغال وضغوط العمل التي يمر بها وتخبريه ان توفير الماده لا يقل اهميه عن الحاجه لوجوده بالقرب منكِ ثم ادخلي في حوار اخر شيق فخير الكلام ما قل ودل وتذكري ان فن إداره الحوار يبداء بحسن الإستماع اسمعي حتي يستمع افهمي حتى يفهم اعطي حتى يعطي تقدير كل طرف كفيل بإن يجعل الطرف الاخر يعطي اجمل مافيه افهمي احتياجاته عقليته اهتماماته حطي نفسك مكانه علشان تفكري بمنطقه وتقدري تحكمي على سلوكه اذا فيه حب من البدايه لا داعي للشك من وقت لأخر فليس كل صمت يدل على عدم التوافق والرغبه إذا تفهمتي هذه النقاط ستتغير على إثرها نظرتك للأمور الجميع لديه شغف لسماع عبارت ايجابيه ينبهر بها ولكن احيان مجرد لمسه بحب تكون كفيله بإيصال كل مشاعر الحب للطرف الاخر كوني ايجابيه اهتمي بنفسك داخليا واخرجيا كذالك الاهتمام بترتيب ورائحه البيت الروائح لها سحر خاص لجذب الطرف الاخر اختاري روائح عطريه تساعد على الاسترخاء والشعور بالراحه والإنتماء اخلقي جو خاص بينك وبين زوجك مثلا عمل مساج بالزيوت العطريه اسلوب رهيب وراقي وحميمي للغايه بجعل الزوج ينصت ويستمع ويستجيب ومع الاستمرار بيكون هذا هو الوقت المفضل لقضاء وقت مشترك غايه في الخصوصيه اما طلبك المستمر لمشاعر الاهتمام فهذ جعلك تظهرين بمظهر مهزوز وبعدم الثقه امام نفسك وحتى ان حصلتي عليها فقد فقدت رونقها ولن تشعري بقيمتها لذلك دعي افعالك تتحدث عنك لتكسبي ثقه وحب زوجك إذا منحتيه الشعور بالرضى والقبول ستحصلين على اجمل مافيه . ختاما انتبهي لأقوالك وقبل ان تنطقيها قومي بتمريرها على مسامعك لتكتشفي مدى صلاحيتها للأستخدام ((على فكرة ترى احنا عايشين ب بيت اهلي بدل ما ياجروه عطوه لنا )) انتي اساتذه في حرق دم الطرف الاخر فلربما ان مشكلتك بداءت من هنا . |
. غـيرَي فيً ـآللوكَ حقكُ منَ كلً الـآتجآهآت :blush-anim-cl: |
الساعة الآن 10:56 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا