منتديات مسك الغلا

منتديات مسك الغلا (/vb/)
-   همس القوافي - شعر - قصائد •• (https://www.al2la.com/vb/f5.html)
-   -   لا اوصيك عليها (https://www.al2la.com/vb/t98635.html)

مـسًٌُُتـ,رٍيَح 07-21-19 10:32 AM

لا اوصيك عليها
 
أبد .. ما جيت ابارك ولكن جيـت باوصّيـك
..............على اللي ناوي ٍ تدخل بهـا الليلـه .. مُعذّبْتـي
ترى لولا الظروف اللي عطتْك وحدّت محاكيك
..............قسم بالله ما تدخل عليهـا لـو علـى رْقبْتـي
ولكنّ النصيب اقوى ولا ادري ويش اسوّي فيك
..............نعم .. صارت معزّبتك .. ولا صارت معزّبْتي
كذا دارت بنا الأقدار تحرمني لجـل تعطيـك
..............كذا لازم عشان تفوز إنت .. أخسر بتجربْتـي
تراها غاليه جـداً .. وتكفـى .. والله يخليـك
..............تـدللها .. تدلعهـا .. تنسّيـهـا مصاحبْـتـي
أنا من كثر ما اغليها أحس اني بديـت اغليـك
..............ولا تسـأل بأيّـة حـق ولا ّ وش مناسبْـتـي
لإنك لو بتسألني بتسمع شـيء مـا يرضيـك
..............لذا ياخـوي لا تسـأل ولا تسمـع لأجوبْتـي
أبيك تحطها في داخل عيونـك وبيـن ايديـك
..............وهي دلوعه اعتـادت علـى كثـرة مداعبْتـي
فداعبها شوي شـوي حتـى تشتهـي طاريـك
..............وشاغبها إلين تقـول لـك: بطّـل مشاغبْتـي
واذا هي مالها خلقك..ولا تضحك ولا تسلّيـك
..............تحمّلها وإسألهـا: يـا عمـري ليـه عصّبْتـي
وبالك اسمع انّك يوم تضربها وهـي تشكيـك
..............ما يحتاج اورّي لك بفـن الضـرب موهبْتـي
صحيح انك بتملكها ومعـك الصـك بالتمليـك
..............وانا عارف حدود الله ومـن حقـك معاقبْتـي
ولكن قلّها المجنـون وصّانـي وهـو يعنيـك
..............يقول انّـه بينتظـرك ولـو شيّـب وشيّبْتـي
وانا مجنونها اللي ما نساها وانت مـا يمديـك
..............تغطّي ذكرياتي في هواها.. وربْـع تجربْتـي
أحس اني تماديت بكلامي.. والغضب حاديـك
..............ولو انّك في مكاني ما تفكّـر فـي محاسبْتـي
كفاك اني تركت الليله اشغالي عشـان اجيـك
..............القاعه برجلي ولا ادري ويش عاقبْتـي
وانا ما جيت اخرّب عرسك الليلـه ولا أذّيـك
..............أنا جيتك عشان اخاطبـك واسمـع مخاطبْتـي
توصّى..وانتبه..واحرص عليهـا والله يهنّيـك
..............ترى كل الكلام اللي طلَع من ضيقـيَ وكبْتـي
ولكن ما قدرت انّي أقوله وانـت مـا يخفيـك
..............أخاف انّـي إذا قلتـه تقـوم وتقطـع رْقبْتـي


:26::26::26:

انفآس 07-21-19 10:44 AM

ابيات مليئة بالألم على هالصباح ههه

سلمت يامستريح
ربي يعافيك ..

العـ(احمد)ـالمي 07-21-19 11:01 AM

يادافع البلا قصيدة مرعبة جدا وحزينة جدا
لكن فيها صخب موسيقى عالية وتمكن
غير طبيعي من شاعرها
بصراحة ابداااااااااااااااااااااااااع
صح لسان شاعرها وسلمت يد ناقلها

الله يعطيك العافية رائد

MR.ROY 07-21-19 05:23 PM

ارى ان هناك طائر مكسور الجناح
قد اختطف منه القدر حياته
و اصبح يحتضر، و يطلب من خالقه التريث و الخفاظ عما اخذه منه القدر
اذهب بسلام، و لن يصيبك الا ما كتبه الله لك
قصيدة قمة في الروعة و الالم
دام لنا طرحك

رؤؤف 07-21-19 05:37 PM

كلمات حزينه
مشكور
:(

مساحة قلم 07-21-19 06:21 PM

صح لسان الشاعر
لكن لما كل هذا الحزن
هل مات جميع اهله بحادث فجائي

سلمت


الساعة الآن 02:48 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا