بنت اختي صغيره وعمرها سنتين واربع شهور
,
للاسف هي حامله مرض التكسر -الانيميا-
بالليل ماتنام من كثر الالم وانها تصرخ ..
رحت واخذتها للمستشفى الحكومي واعطوها كريم مرطب
للحساسية وكريم آخر ... المهم اصبحنا نعطيها منه
ولا فائدة البنت تبكي وبالذات وقت النوم
وصعب انها تتكلم او تشكي مازالت صغيرة لكنها
تحدد مكان الالم , ولما تجي وتمسح وتدلك على اقدامها تلاقيها
تسكت , فخلاص معروف مريض التكسر مع البرد
مايتحمله ,
طيب البنت صغيرة , وامها مو كثير معها , بحكم عملها
كدكتورة وغالب وقتها معنا ,
والوالدة الله يحفظها بالكاد تشيل نفسها ..
الدكتور الحكومي يقول طبيعي هالشيء ولازم البنت
تدفى زين وماتلبسوها ملابس حريرية لاجل مايسبب لها
حكة وحساسية ,
طيب هي ماتلبس حرير غالبية ملابسها قطنية ونظيفة
ومغسولة ..
يعطيك كريم ويقولك امشي عليه خلال اسبوعين
لو مانفع تعال نبدلك بثاني..
تروح مستشفى خاص وللأسف أعظم يعطيك مضادات
كثيرة وعلاجات ,
ويسألك كم نسبة التكسر في البنت
ياحبيبي البنت لسة صغيرة وماتوضح النسبة في الاحيان
,
للاسف اخذت العلاج وجيت للوالدة وخبرتها بطريقة
الاستخدام , ونلاحظ البنت لما تاخذه تسكت وتقوم تلعب
ساعة او ساعتين لكن بوجه شاحب
وترجع تنام ... كان لمدة يومين , المهم انا لاحظت هالملاحظة
كلمت امها بنتك كذا وكذا وديتها خاص , واعطوها هالادوية
ورسلتهم لها ..
هنا اختي من الصدمة قالت كيف , وليش يعطيها هالدواء
مابغى اغلط على الدكتور بالمستشفى الخاص
كان عاطيها كورتيزون الخاص للتكسر ,
أمي تستخدمه ولما تاخذه تدوخ فما بالك بطفلة
قالت هذا يهلكها هلك ولا تعطوها منه , لانها اول ماتاخذ
العلاج ترتاح , بعدها يصيبها خمول لانه قوي عليها مره
حتى بأقل جرعة وتنام ...

فليش بعضهم ماعنده ادراك ووعي باللي يعمله
هل سهله هذي الارواح ...

في نفس الوقت عن نفسي
ما احب البنت اللي متزوجة ودكتورة زي اختي
وهي غالبية وقتها بالمستشفى
ومسكينه ماعندها قابلية انها توفق
بين بيتها وتربية اطفالها وبين دوامها
وتلاقيها مو عارفه حتى تحك راسها
طيب هذي هي الحياه , وانتي تخدمي وطنك
والناس و و , وامنيتك ودراستك , لكن اطفالك
قلت الاهتمام او عدم بقاءك معهم له اثره
كيف ياخذو من حنانك وانتي بعيده عنهم
ولما ترجعي يادوب ترتاحي شوي ويمكن
ماتلاقي الراحة من مسؤولية منزل وزوج
واطفال ..
بعض الوظائف للأسف مع احترامي ماتليق
للأنثى , أو حتى لو كانت لائقة فوقتها خطأ
هو مو تقييد او عدم مساواه , لكن الواقع يحتم
انك ترفضها وماتقبلها ...
.

انا في رجا الله ماترجيت مد الغير
ولالي ورى المقفين شرهه ولا حاجه

اواصل على دربي واحث القدم واسير
مع اللي يطيب ومنهج الطيب منهاجه

ونقول يسعد صباحكم بهالبرد
,
لي ملاحظة على بعض محلاتنا هنا بالشرقية
محلات كبيرة بمجمعات معروفة
مثلا سيتي ماكس او سنتر بوينت
سيتي ماكس فيه ملابس حلوة وللأسف بعض مقاساتها
لا يعتمد عليها بالنسبة للطفل
تلاقي الحجم مختلف عن حجم الطفل بشيء بسيط
طيب انا من منطقة بعيدة شوي
اسمح لي اجرب اللبس على اختي بغرفة صغيرة
مو تقول لي ممنوع تجرب هنا ,
الشخص يكون مضطر انه يشتري اللبس
ويخرج خارج المحل واقرب مكان فيه غرفة تبديل يجربة
او احيان بالكراسي خارج المحل
ولو مو مثل المقاس امسك صف من جديد على الاسترجاع
طيب بهذي الحالة ايش المستفاد
,
يقولك جيب مقاس معك وجربة من ناحية الطول و و
او يقولك تقدر تشوف المقاس بعينك المجردة وتقيسة على
الطفل , مو شرط يلبسه
,
اكثر من محل عندهم هالشيء
مدري توافقوني على وجهة نظري او تعتبروه شيء عادي

السلام عليكم ورحمة الله
اسعد الله صباحكم بكل خير ومحبة
اعتذر لكم عن عدم دخولي الفترة الماضية
,
والدتي عملت عملية مفاصل مع تحذيرنا لها
بس خلاص شافت جزء من بعض النساء اللي عملوها
وقالت بتسويها ..
وللأسف دخلت في غيبوبة على اثرها ادخلت للعناية المركزة
واصبح عندها مضاعفات جراء هذه العملية
والحمدلله تعدت مرحلة الخطر الان ...
,
للأسف بعضنا يجري مع الناس في كل مايقولوه ,
هذي فلانه سوت عملية مفاصل وقامت تمشي
وهذا فلان سوى عملية تكميم وصار غزال
,
فعلاً العلم تطور وفيه اشخاص يمشي معهم العلاج
وفيه اشخاص جسمهم مايقبل ..
فليش انا اغير في جسمي او احرف فيه
اوك مو مشكلة انا اعاني من مرض حمانا الله واياكم
لكن لازم اعرف الاعراض الجانبية بعد العملية
لابد اعرف الاحتماليات ,
يمكن انا اتمشى على قد حالي خطوة خطوتين
لكن بعد العملية محتمل ما امشي بتاتاً
.

شيء عجيب لدى البعض منا بصراحة , عدم الاقتناع بالشيء


اشكركم