| |||||||
70Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| إضافة رد |
| | LinkBack | أدوات الموضوع | انواع عرض الموضوع |
08-06-19, 11:52 PM
| #31 | ||||||||||||||||
  
|   غداً بقولكم سر ماشاركته أي أحد أقصد ماكتبته بالمنتديات سابقاً الوقت ضيق تصبحو على خير | ||||||||||||||||
  |
|
08-07-19, 08:27 AM
| #32 | ||||||||||||||||
|  يسعد صباحكم في سنه 2005 كنت على مشارف انتهاء دراستي الجامعية مابقى غير 50 ساعه تقريباً في ذاك الوقت كان عمي قال لوالدي انوا بنته مخطوبه وهو ماوافق لان البنت بأعراف العائلة مسميه لي من وقت الطفولة  انا طبعاً وقتها ماكنت مستعد لاني حاب اكمل دراستي قبل وبنت عمي ماعرف عنها الا انها متفوقة فقط  لما كلمني ابوي رفضت بالبداية بعدين قال عادي مابقى لك وتتخرج من الجامعه غير القليل وانت تقدم لبنت عمك ولما تخلص الجامعه تزوج انا ارتحت لهالكلام وقلت على بركه الله بنت عمي خريجة دبلوم وكانت دراستها انهتها قبلي الصدمه انوا هم اجبروني على الزواج بسرعة لما اخذنا نصف سنه مملكين (عقد رسمي) والسسسسسبب ياعبدالله تزوج بالسرعة ترى الناس كلونا وكله يقولوا ليش البنت معلقة طول هالوقت وانتوا الله منعم عليكم وعندكم خير مو زين تتاخرو تزوجو و و انا كنت رافض وبشده الموضوع هذا وماكنت مستعد باقي اشياء كثيره وانا وقتها مازلت صغير يمكن 22 سنه ولسه باقي تجهيزات السكن المهم صارت هالاشياء كلها في غضون شهرين وتم الزواج ماتتخيلو اول اسبوع كيف كان بنص الاسبوع لاقت بنت عمي تقول لي عبدالله طلعت لي وظيفة بدل معلمه في مدينة الافلاج - تقريباً تبعد عن الرياض 700 كم او 400 مو متاكد ونحن من سكان المنطقة الشرقية يابنت الحلال متى صار هالكلام ومتى قدمتي على الوظيفة و و وليش انا مادريت عن هالشيء قالت كلمتني صاحبتي من هناك وقالت في مكان شاغر ويبون وكذا وقدمت اوراقي من بدون ماتدري انا رفضت وبقوه اني اروح , كيف اروح اخلص اوراقك ونحن اول اسبوع لنا وكيف تتوظفي هناك وانا لسة ماكملت دراستي وكلكم تعرفوا انوا انا مضغوط على سرعة الزواج .. قالت ماعليه يتبع .. | ||||||||||||||||
| |
|
08-07-19, 09:03 AM
| #33 | ||||||||||||||||
|
طبعاً وقتها حسيت انوا صابني دوار مو مستوعب اللي اسمعه قلت لها لا مابروح معك ولا اخلص ولا ورقة , اللي خلص اوراقك قبل يروح معك ... كيف مايصير انت زوجي و و , طيب وين انا كنت وقت ماكنا مخطوبين ليش خفيتي هالموضوع , قالت مو متاكدة وخفت تعصب وماتوقعت بتطلع لي بهالسرعة الكلام مادخل مزاجي قلت لها اسف ماقدر اروح معك ... وكانت هذه أول ثغرة بيننا امتدت لغاية انفصالنا  , من وقت ماسافرت مع اخوها لاجل تخلص اوراقها ماكان باقي على الدراسة الا قليل يمكن اسبوع بس , فصعب انوا تتخيل انك لساتك متزوج ومن اول اسبوع ووضعك بهالشكل , ومن اولها عصيان , يعني تحس انك مزهريه مالك وجود او الغرض من الزواج فقط صعود على كتفك .. على العلم انوا وقت ماكنا مخطوبين كانت تسجل في مدارس اهليه لكن ماكان لها الرغبة الشديدة لانوا تعتبرها دون المستوى . بدأت الدراسة ولكم التخيل انك اشبه بالاعزب اسبوع ومتزوج يومين فقط وقتها كان الخميس والجمعة الاجازة كذلك كانت تطلب مني بطاقات شحن ووقتها ماكان متوفر غير فئتين 100 و 300 ريال فقط ماكان فيه وقتها برامج التواصل الاجتماعي واتس اب او غيره كان كل شي مختلف وانا على مكافأتي الجامعية وصعب اطلب من ابوي او اهلي وانا خجلان منهم لانهم قاموا بكل تكاليف الزواج وانا مادفعت ولا ريال ... وصعب تشتغل عمل اضافي وساعات الجامعة كانت حائل بيني وبين العمل البنت (بنت عمي) من نوع انت اللي تصرف علي وراتبي ماتحركه  صرت اشبه باللي يروح الجامعه وهو ماله خلق والتركيز مشتت بسبب كثرة المشاكل وانوا احيان تكون هي زعلانه مني فما تنزل المنطقة الشرقية فتجلس بالشهر عادي .. ((وقفت فصلين دراسيين , وجه لي انذار بالفصل , فصلت من الجامعة بسبب مشاكل ماقدرت اني اتحملها , وصفوني بالفاشل -اهل زوجتي- وضحكو علي لاني تركت الجامعة تعبت نفسياً من هالشيء ))) اللي بين الاقواس اختصار لمعاناه شديده كانت شهور البنت وماصرت اكلمها , كان فيه صراعات وكلام يدور بين الاهل لكن للاسف الرجال وقتها كفتو اياديهم وخرست ألسنتهم وصار الكلام بين النسوان وللاسف الشديد لما يكون الكلام مو متزن وكل شخص يقول بنتكم غلطانه وهم يقولوا لا ولدكم غلطان يبقى انوا المشاكل زادت وقتها اشتغلت بهايبر والحمدلله , وكانو هم مرسلين ابنهم يجيب ورقة استدعاء من المحكمه لاجل حل المشكلة , كانت فيه مشاكل اكبر و و وجلسات انتهت بالطلاق للاسف , مو بطبعي عنيد ولا شيء لكن بعض الامور لما تخرج عن السيطرة او تكون انت صاير زي الشماعة تعلق فيها مشاكلك بكل بساطه هنا المشكلة , ولما يكون الشحص مو مقدر مكانتك وهمه الوحيد وظيفة فقط تكون توافق على انوا ماتمانع انها تتوظف هذي كانت من بنود العقد لكن صعب تتخيل انك تكون مغفل وفيه اشياء تصير من وراك من دون ماتدري | ||||||||||||||||
| |
|
08-07-19, 09:13 AM
| #34 | ||||||||||||||||
|
طبعاً من بعد اللي صار , البنت بعدها ب3 شهور انخطبت لاخو صديقتها اللي كانت معها بهذيك المنطقة ؟؟ وهنا كان علامة الاستفهام للسرعه الكبيرة و و , عموما الله يوفقها .. المحصله // سنتين على التوالي من بعد اللي صار وانا في صدمة نفسية كبيرة كرهت جنس حواء كلهم , وصرت عنادي , وأثر على علاقتي بأهلي واستأجرت لي استراحه وصار نومي كله هناك وكل شيء فقط دوام واستراحة , كانت فيه محاولات لرجوعي للبيت وانوا انا ماسويت شيء غلط وهذا النصيب لكن وقتها اعتبرت نفسي فشلت في كل شيء , طموحي المستقبلي ودراستي وانتهت وزملاء طفولتي اللي كانوا معي كلهم تخرجو وتوظفو وانا اخجل انوا اقابلهم او حتى اشوفهم بالمسجد , الحمدلله قدرت اني اكمل انتساب من دون ماحد يدري , والله اكرمني وابعتثت خارج المملكة وكملت دراستي , صحيح تأخرت لكن بالاخير استعدت طاقتي ووقفت على رجولي من جديد , لكن للاسف الشديد يبقى بداخلك جرح كبير ... انا ما ادعي المثالية ويمكن في كلامي فوق كثير نقاط استفهام من خطأ مني ومن كيف يصير كذا والمفروض كذا ومو انا في موضع احط الخطأ كله على الطرف الثاني لا والله هي بنت عمي وراحت في نصيبها لكن بشهادة الجميع انوا الزواج هذا كان كله غلط في غلط وماكان فيه توافق لكن لما يكون اصرار الاهل يكون الضحيه الابناء للاسف . | ||||||||||||||||
| |
|
08-07-19, 09:37 AM
| #35 | ||||||||||||||||
|
جَميل أن تتجَاهل حُزناً عَميقاً بِداخلك وتَقول : قَدر الله ومَاشاء فَعل .. '♡
| ||||||||||||||||
| |
|
08-07-19, 09:38 AM
| #36 | ||||||||||||||||
|
ربي سآمحني إن ﺎلحَقتُ آلأذى بأحد ﺎو جرحتہُ ، ربي لآ ٺجعلني ضيقاً لأحد ۈﺎجعلني حملاً خفيفاً يزرعُ آلإبٺسامہ في طريق گل من عرفت | ||||||||||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
