لا مال وقتك عليك وباروا الناس فيك
والكون من ضيقة الخاطر تشوفه قبر

تدري وش اللي لك وتدري وش اللي عليك
اللي لك اجر الصبر واللي عليك الصبر

أبتدي بالحمد لله .. واحمده واثني عليه
واعترف له بالولاية .. وكل خلقه بين يديه
كان لي ذا الليل شكوى .. فابتدي الشكوى عليه
يا لا لا لا يا لا لا له .. والثمن جنّة وحور

تشتكي همّك على الله .. واشتكي همّي عليه
مالنا يا خوي غيره .. نبتغيه ونرتجيه
نطلبه درب متين .. نسلكه نمشي عليه
يا لا لا لا يا لا لا له .. والثمن جنّة وحور


فاقد لي خِل غالي .. فاقد الدرع المتين
فاقده والعين تدمع .. والضماير في ونين
خايف إن البعد يأخذ .. بيننا عهد وسنين
يا لا لا لا يا لا لا له .. والسنين ابنا تدور

بنشد القمرا وأدوّر .. في السماء مرشد دليل
وانشد الطاير وأقول له .. وين ذيّاك الزميل
قبل ما يطوى كتابي .. وين ألاقي له مثيل
يا لا لا لا يا لا لا له .. وما بدا فيكم قصور

عزّتي لك ياخويّي .. همّك الليلة طويل
فاقد لك رأس مالك .. فاقد الزًّول الجميل
أطلب الله لك جنان .. وأطلبه ظل ظليل
يا لا لا لا يا لا لا له .. والوعد جنّة وحور

منـي نصيـحه يا رفيقـي ودونـك
خذها وأنا اللي بالموده مصافيك

أختر صحيبٍ بـ الخفا مايخونك
ماهو من اللي بالخفايا يعاديك

الوصال اللي غرامه ما يسوق اشواقه
باهتٍ مثل الجفاء والصد صبه رده

كم رسمت من الاماني صورةٍ عملاقه
كم مسحت وكم كتبت من الشقاء مسوده

كل غصنٍ قد نفض عوده وحت اوراقه
وقد مشا كل الدروب وكل ريعٍ سده

عندنا من كثر صكات الليالي طاقه
ونعرف اصحاب الرخا واصحابنا فالشده

ماعاد توجعني خيانات الاحباب !!
وماعاد يصدمني الخوي ﻻ تردا..

في هالزمن حتى الغلا صار مقلوب
قلـوبـنا مـدري وش الي بـلاها

ناسٍ تقول ان الغلا يذبح قلوب
وآنـــــا لقيت قلـوب تذبح غلاه

في ناس تحتاج إلى دوره بعنوان :

كيف تجلس بجواري دون النظر لجوالي