اعارض رايي حبيبتى الجوهرة وبشده
وانا استغرب انه بنت تقول كذا المفروض البنات السعوديات يكونن مع بعض ويدآ بيد عشان ينالن حقوقهن فى الاخير ..
انتى قلتى

((ليه ماعندكــ آب او آخ ولا عم ولاخال ولا سسواق يوفّر لكـ مطلبكــ ))

شوفى حبيبتى انا بحكى لك عن تجربتنا الخاصه وعن حاجه اى مرأة لقياده السياره لان هذا ابسط شئ من حقوقها
الحين انا ابوى متوفى الله يرحمه وعمانى كل واحد فى بلد ومايدرون عنا وخوالى نفس الشئ والشوفير مايئتمن له كثير وانا برد عليك بنفس اسلوبك
((يمين الله آنتي لو تقرين القصص اللي صآرت بسببــ كيذآ ))

ماسمعتى عن القصص اللى صارت مع كثير ناس بسبب الشوفير وحالات الاغتصاب للبنات
ونحنا ماعندنا رجال فى البيت لانه اخوانى اطفال صغار
بكذا تواجه المراة صعوبات كثيره
مثلا نقص عليها شئ فى البيت من بيجيبه لها بنتصل بخالى عشان يجيبه ؟؟
احد من اخوانى مرض لاسمح الله بننتظر خالى لين يجى ؟؟؟
او اذا كان الاب مسافر لبلد من البلدان ؟؟؟
حتى الكرماه والكبرياء لها دور كبير يعنى بتذلين نفسك كل مرة للرجال عشان هو يقدر والمرأة لا
وناس كثير تنظر للموضوع من ناحيه الاسلام
مذكورة فى القرآن او حتى فى احاديث الرسول عليه الصلاة والسلام انها حرام لا طبعآ ...
زماان ايام الرسول مو كانت المرأة تركب الدواب مثلها مثل الرجل ؟
فلا احد يااخذ بحجة الاسلام
وعلى مسئله انه يخافون عليها من الشباب
انا عن نفسى دايمآ اطلع فى الشارع بالسياره ولااحد بتعرض لى او يسوى لى شئ وكذلك امى وهى لها سنوات اكثر منى فى القياده ولها خبره اكثر ..
اذا صار هذا الشئ طبيعى فى المجتمع وكل مرأة تقود سيارتها بنفسها راح يكون فى اعتياد على هذا الشئ مو مثل الحين اذا شفنا مرة راكبه سيارتها فى السعوديه بنستغرب
المشكله تكمن فى العقليات الجاهله عند البعض اذا تغير التفكير وتغير عقل الانسان ماكنا نواجه اى مشكله فى المطالبه بحقوق الانسان ..
هذه وجهة نظظرى فى الموضوع الذى يستحق النقاش الراقى ..
مشكوورة حبيبتى على الموضوع
ودى