مدري ليه اذا حسيت بالطفش افكر بالاكل : (
مدري وش الرابط العجيب بينهم ،،

تدرون احس الاكل زي المخدرات ،، و انت تاكله تحس بمتعه
بس اذا خلص تحس بالندم و ليه اكلت كثير و ليه و ليه ..!!
<- تفكيرك الخايس خخ

ما علينا طفشانه و افكر بالاكل و افتح تطبيق هيلو فود و اتفرج ف المطاعم اللي توصل
و اجي عند خواتي اقول تبون عشا و يقولون وش تبين
انا الحين طفشانه و زهقانه من نفسي و ابي احد يفكر عني و انتم تسألوني وش تبين
استغفر الله ، و الله اكره اقول طفشانه بس بعض الطفش يطفش <- جبتي شي جديد

هو مو طفش طفش ،، هو شي مدري وشو

<- جاها غثيان من كلمه طفش خخخ



امممم اغير جوكم و اسولف لكم مدام ما عندي احد ،،
بس اذا جاني احد و خرب علي جوي ، بقطع عليكم السالفه خخخ


اليوم جالسه انصح وحده من البنات جديدة ، كيف تكون ف الشغل و كيف تتصرف
شوي الا نطت بوجهي ،، و قالت احب نصايحك ،،
فجأه انا استحيت و ضاع الكلام خخ
لاني كنت اقوله من موقف مرت فيه اليوم و اوجهها ،،
و نطتها ف وجهي فجعتني خخخ

المهم جلست انصحها و احكيها كيف كنت انا اول ما اشتغلت و المواقف اللي مريت فيها
و مافي و لا موقف سيء اثر بشخصيتي ،، بالعكس تدفعني للامام ،،

دايم اقولها انتي طفله و روحك طفله ،،
ف لا تخلين احد يأثر عليك للاسوء ،،
بالعكس خذي المواقف بشكل ايجابي ،، و طوري من نفسك ،،
اهم نصيحه قلت لها لا تخلين احد يمسك عليك زلة ، و لا غلطه
لان بعض الناس تذلك على اغلاطك و لا توجهك صح ،،
و اسمعي الكلام من الناس اللي تحسينهم يحبونك و يبونلك الخير ،،
و اتغاظي عن اللي يحطمك و يكسر مجاديفك ،،
و دايم حطي ببالك انك الافضل ،، لكن لا يوصل لمرحلة الغرور
<- كيفني و انا مسكت خط خخخ

كلاااام كثيررر قلته لها ، و حاولت اكون ايجابيه معها لانها حسيت انها تتأثر فيني
و دايم تكرر قدامي انها ما تنسى كلمه قلتها لها ،،

على انه هذي البنت صار بيني و بينها سوء تفاهم ،،
و وصل الموضوع للدموع و صياح خخخ ،، كل ما اذكرها بالموقف تدنق و تستحي
هي طفله و انا ما اتحمل احد يفهمني غلط و انا اتصرف بحسن نيه
عادي عندي انفهم غلط بس الناس اللي امون عليهم و اتوقع انهم فاهميني لا
و فجأه اشوفهم فاهميني غلط ،، اعترف لكم ان هذا الموقف يصيحني
و خصوصاً لو اللي امون عليها تعاتبني و تصيح خخخ
المهم ما علينا وش لنا وش للصياح خخخ


ايوووه ،،


بس بقولكم " اني احبني "
و ابي آكل

<- تروح تطلب لها اكل خخخ