اخت(ن) عزيزه تطلب اللي تريده
و من عيون الشعر تاخذ ثمينه
و لاجل دايم دوم تبقى سعيده
اقول لاجل العين تكرم مدينه
لعيون ساره شعري أكتب وازيده
عل وعسى تفرح و تنسى الغبينة
ما يكفي وصفها الشعر والقصيدة
و ما يوصل حسنها ألفين زينه
خلق و جمال(ن) مع صفات(ن) فريده
و الطبع ذرب(ن) و المباسم حسينه
اقول لك كلمه في بالي سديده
انتي الحلا كله و روعة سنينه
و بالجمال الفايق انتي بعيده
و اللي يبي يوصلك الله يعينه
يا رب تحفظها سنين(ن) مديده
و تصونها عن الدروب المهينه
و ختامها صلوا مرات(ن) عديده
على اللي ارسله الهي بدينه