حنا تراب وترجع أجسادنا تراب
ونحفر تراب قبورنا في يدينا

ناسٍ نوادعهم وناسٍ بالاصلاب
وفي كل يوم يمر ندفن حدينا

الارض فيهاأشرار واخيارواقراب
وناسٍ تبي منا، وناسٍ تبينا

متخالفين ألوان واشكال وانساب
وهذاك يهْجُرنا ، وهذا يجينا

أحدٍ يغيب، ونذرف الدمع لا غاب
واحْدٍ يموت وندفنه ما بكينا

وشخصٍ يدوِّرخيروافراح واحباب
وشخص يدورنا، يبي يبتلينا

حنا عليها أغراب، ونكلم أغراب
وارزاقنا عند الولي، ما نسينا

هذي هي الدنيا متاهات واتعاب

نضحك على الدنيا وتضحك علينا