.. .. اليوم كل المواضيع حلوه بعيوني كل مشاركاتكم بالملتقى حلوه اما مدوناتكم حلاها زايد انا اخبركم ليه مقدر اقييم الا بعد 24 ساعه مدري ليه ماعرفت امشي بدون التقييم احس لازم اوقع وهاكا يعني ماعلينا لاني مقدر اقييم استاهل قهوه فرنسيه لذلك سويت لي انا وصحباتي اذا صورنا اكله لازم كل القروب يطبخها مرات نهب هبه ع لقيمات كل القروب ليومين ياكلون لقيمات نطيح اوقات اسبوع مرات مكرونات وكمان بطاط بالميكرويف يعني صحباتي احس انا وهم لازم نسوي الاشياء هذه لازم ناكل مع بعض نتشارك الاصناف اللي نطبخها مو بنفس المكان ناكل يوووه لا اكيد كل وحده ببيتها بس مشاركه وجدانيه نتجمع كل اسبوع او اسبوعين كل مره ببيت واحد ونذوق اصناف بعض نسولف وننبسط ونرفه ع نفوسنا يعني ولله الحمد نتلاقا اللحين في رمضان الله يبلغنا اياه يارب اصنافنا واحده :x90: لاننا نصور اكلنا ونخطط وش نسوي عاد انا في رمضان ما احب الا الشوربه الحامضه صنف اساسي ع السفره عادي اذا ماوجدت لكن اهم صنف عندي هو كل السفره ماتغريني قدها اساسا مستحيل يعدي يوم ماسويها واذا ماسويتها جنتي تسويها لاحرمني الله منها هم بعد احبها بدون دجاج ولحم احسها خفيفه عاد اذا حبو يغيرون انا اسوي لنفسي اسرع طبخه في العالم لا ظلمتها البيض اسرع منها ماعلينا نرجع لصحباتي سكر حياتي تدرون اليوم وش سويت انا وهم جبنه منزليه :x90: جا مقطع فديو وهاكا لواحد يسويها قمنا نسويها نعيين صادق ولا يمزح علينا والله طلعت لذيذه وجبنه مزينه انا ما احب الاجبان السائله احسها مدري كيف استخدمها مع المكرونات والصواني اذا سويتها احب الكيري واللبنه وصلنا هذه الجبنه اللي سويتها غدت لبنه يعني طلعت اللي احبها ماكثرة تجربه حق سندوشتين طلعت لي ولبابتي رحت له يوبه ذووق هذا السندوتش قال متعشي شوف اذا ماذقته بتندم حياتك كلها هذاني حذرتك لازم اقول الكلمات هذه اللي تحسس الواحد بالندم وهاكا يعني بعدها قال هاتي وذاقها قلت لها انا سويتها الجبنه بالعافيه عليك قال تمزحين قلت والله انا يو قال تمزحين :x90: وقتها جاني شعور هذاك العالم اللي اخترع القنبله النوويه لا امزح المهم اخترع اختراع وخش ابواب العلم واصبح من ضمن الكتب المدرسيه علمه شعور جميل لمن تكون عالم وعلمك يقروه الناس وهاكا يعني تضمن انك لن تدفن تحت الارض واسمك ع الارض خلاص انا اللحين قررت قرار نابع من قلب وعقل اني اخترع مركب كيميائي يدخلونه ضمن الجدول الدوري يدرسونه الاجيال القادمه احفادكم باذن الله باسميه باسمي الحقيقي اجل بالله عليكم اخليه ب اسم آسيرة حرف امعصي لكن بنوضح ضمن الملف التعريفي لي كمخترعه ان اسم آسيرة حرف يعود لهذه الفتاه المخترعه صاحبة ذلك المركب الذي اصبح له مكانه ضمن الجدول الدوري لاحد يتوقع ان قهوتي مغشوشه من اول بعتمد الرد ماخلوني :x90: عالمه اجل وش تتوقعون
04-14-16, 02:22 AM
