04-18-16, 10:15 AM
|
#9 |
| اترك أثر طيب | | | | | | | | | | | | | | | | | | | | | | | | | | | | | | | 
السلام عليكم
الحل إنك تتزوجي وتهتمي بعيالك وتربيهم أحسن تربية وتظلي بارة بأمك وطيبة مع الكل .
أختي تذكري شيء
طالما الزعل والهم ما راح يفيدوا في شيء فلا تزعلي ولا تشيلي هم .
فرفرة عيال الأخوات معروفه فكل بيت ونحن عندنا نظام في بيتنا .
اللي بغى يجينا ياحياه الله ولكن لا يوجد ضمانات في البيت
اطفال تطاقوا تضاربوا فلان عض فلان هذا انكسر ضرسه او يده حد طاح من الدرج هذا سكر على اصابعه
ماشي ضمانات اللي حس بالوجع يبكي ويناجي أمه والبيت زلزال وحد ياكل أزرار الريموت وحد ياكل غطاء السماعات وحد ياكل صابون وادوات الميكاب وحد يدخل حمام ويسكر على نفسه الباب .
حالة تسيب غير عادية وأنا شخصيا إذا جيت أتضارب مع الاطفال ويعضوني وأجلدهم جلد بالمخده لين يناموا من التعب أو تجي أمهم وتقول هلكت الاطفال .
أهم شي عندي الطفل يأكل ويكون في البيت وما قد شفت في الدنيا كارثة إلا لمن تجمع 3 بنات مع بعض ياخي فيكن سم ماله حل من صغركن . هواش وبكا وحسد وعناد يازين الأولاد ياخي كل شيء فيهم حلو .
ومع ذلك صدقيني بيوت كثيرة تتمنى تسمع صراخ طفل يكسر كل أكواب المطبخ
طولي بالك الصغار يكبرون وما يظل إلا جميلك وحسن طبعك .
انتي بنت راقية ومليون واحد يتشرف تكوني شريكة عمره والله يرزقك |
|
|
|