تعلمت :
انه فيه بعض الامور الي تصير معي وهي سيئة جداً مثل
في مره من المرات في اول يوم عيد ، لبس العيد تلون بالمكياج
زعلت كثير واضطريت ابدلها بلبسه غيرها وقتها كنت اصغر من الان
هذا الشيء ضايقني لكن كان افضل لي لانه ممكن دفع عني سوء وضرر
شيء اخر امس صار معي ، لانه عندي ضعف نظر فاضطر البس العدسات
كنت اسولف مع اختي وكل شوي اغمز بعيني تقولي : شفيك تسوين كذا
اقولها عيني مدري ايش فيها تعورني " هذا قبل لا اطلع الاختبار بعد ما تهجزت بساعات "
المهم قالت لي : انتبهي لها شيكي عليها قبل لا تروحين ، رحت طلعتها من عيني
ورجعتها مرة ثانيه واحس الالم نفس الشيء واقوى وارجع اشيلها الا طلعت " متمزقه من النص "
واضطريت البس نظارتي واروح فيها " الخيره في هذا ان صار الامر معي في البيت مو خارج البيت "
فلو صار برا البيت صارت معي مشكلة كبيره .. ، المقصد من كلامي كله في بعض الاشياء بسيطة
وتزعجنا كثير وتسبب لنا مشكلة لكن والله هي خيره ، فلو اصابك شيء
اعرف انه يا اما دفع عنك الشر ، او كسب لك اجر ..
اذكركم ،
قال رسول الله صلى الله عليه وسلم:
(عجبا لأمر المؤمن إن أمره كله خير وليس ذاك لأحد إلا للمؤمن
إن أصابته سراء شكر فكان خيرا له وإن أصابته ضراء صبر فكان خيرا له)
وقال رسول الله صلى الله عليه وسلم :
( ما يصيب المؤمن من نصب ولا وصب ولا هم ولا حزن ولا أذى ولا غم
حتى الشوكة يشاكها الا كفر الله بها من خطاياه )
فـ سبحان الله في كل شيء لنا نكسب اجر الحمد لله