المشكلة الكبيره انك تكشفي عنده !
اذا جاء كوني اكثر احتشام او مره وحده لا تطلعي عندهم
تقدري تخترعي اي حجة الله يسعدك
وفيه اختراع اسمه بلوك من الجوال ، اذا ما تعرفين ي روحي نعلمك
اساساً كيف عنده رقمك وليه ! من هو علشان يكون بجوالك !
يعني المشكلة تراهي لها اكثر من حل وقدامك
مافي اي صعوبه ، خلي فيه عقبات كبيره تجاهه
ممكن ربي يهديه ويتعدل مع اختك ولا يخونها معك او يفكر حتى فيك بعدها !
لذلك حطي الحواجز انتي ، انتي اعطيتيه كامل حريته بأنك ما تعاملتي معه برسميه كامله
اعطيتيه امل بعد انه ممكن يترك اختك وياخذك !
لو والله ما كان فيه امل او انه ما لقى منك لو نظرة تقبل على الي يسويه
خجل من نفسه وانسحب !
اختي الغاليه وان كان كلامنا يجرحك
غريب يجرحك بالكلام مره افضل من نظرة انكسار من اهلك طول الحياة بعد ما يعرفون حقيقة الامر كله !
عزيزتي فكري زين وخليك عقلانيه
انتي والله ما تحبينه ولا شيء
يقال ان كل ممنوع مرغوب وبظنك انه هو شيء جميل وهو والجمال متنافرين
قرأت بالسابق موضوعك الاول لكن صراحة ما قدرت ارد لكن الان بعد كلامك هذا قلت الافضل اكتب شيء
، حالياً لاتدخلي احد بالموضوع حليه بنفسك والحل قلت لك اياه واعيده لك
خلي بينك وبينه حواجز زيه زي اي رجل حرام عليك !
حواجز تخليه مستحيل يفكر انك انتي متقبلته او انك حابه الي يسويه في اختك معك !
لو جرحتك كلمة وحده من اي شخص هنا فأعرفي لانها حقيقة
ما لامست قلبك وجرحتك الا لانها واقع !
انتبهي مشكلتك تراهي في البداية ولو تعمقت وبقت فترة طويلة
راح تخسرين الكثير منها ثقة اهلك فيك وحبهم حتى !
شفتي كيف نظرة الاعضاء هنا وكيف ردودهم لك وهم غريبين عنك
صدقيني راح تشوفين اضعاف اضعاف هذي الردود من اهلك ان ما وقفتي هالشيء عن حده !
والله انه ماراح يقع اللوم عليه وحده
وراح يقع عليك اللوم الاكبر ، غالباً الرجل ينفذ من هذي الامور بسهوله
لكن المرأه صعب تدرين ايش ممكن يقولون ..؟ ممكن يقولون انك انتي السبب
لذلك انتبهي الله يرضى عليك
وادعي الله ان يخلصك منه ويبعد عن قلبك ماليس لك !
وادعي الله ان يصلح ما بين اختك وبينه