جيت المدينة وبداخلي طفلا عسى الله يصلحه

طفل بدوي ولد ابدوي طيب ولاكنـه عنيد

جيت المدينة وفي يدي طيب البداوه ومسبحه

جيت اشوفك يالحضاره جيت ادور للجديد

طفلا يعيش بداخلي وكل كلمه تجرحه

يهدي سبايك من ذهب والناس تهدي له حديد

كل دمعه تجرحه وكل بسمه تفرحه

جيت ادور للفرح له وماشعرت اني سعيد

لو تون وتشتكي الدمع ماحدا يمسحه

الناس واجد بالمدينه واقرب العالم بعيد

مافي المدينه اي شي قلت يمكن امدحه

واعجزت يادروب المدينه واحتار وياي القصيد

الوضع ياقلبي صعيب والحال ماقدر اشرحه

اريد وانت ماتريد والله يفعل مايريد

ماحد ضحك لي في المدينه الا ويبغى مصلحه

فقيرها ماله سند وصار الردي عم وسيد

رجعتي لك يالمدينه موضوع توبه مافتحه

خلاص ياقلبي خلاص لاتزيد ولاتعيد

سلام لك ياقريتي ياطيف دايم المحه

ياقريتي باقصى الجنوب احرار مافيها عبيد