السلام عليكم

صاحب الموقع اتمنى تنزل موضوعي باسرع وقت لانه ماعاد يطاق

المهم انا متزوجه لي 10 شهور عمري 32
زوجي عمره 34

زوجي من بدايه زواجنا وهو مصدوم من شكلي ممكن هو تخيل اني بعيونه راح اكون جميله جدا جدا لاني من معاشرتي معه طول هالعشر شهور حلمه بوحده بيضاء وعيونها وساع ووجهها جميل جدا ومليان وغير هذا شعرها طووويل كيف عرفت انا. كل هذا كل مايسولف معي يقول ماشاء الله عيلة فلان بناتهم بيض صواريخ نفسي اعرف وش دراه كيف شافهن شككني بروحي اهلي ولاواحد منهم حسسوني بنقص بشكلي


انا عاديه جدا ملامحي لا انا حلوه ولا انا شينه وسمرا ووجهي نحيف وعيوني وسط وشعري قصير لحد الاكتاف

اما زوجي بشرته اسمر مني وشكله عادي جدا لا جاذبيه ولا وسامه


انا ماجيت هنا اعيير بشكله لا جيت لاني مليييت والله العظيم مليت كل مااطلع للسوق معه اشوف عيونه طووويله على البنات البيض ويمدح بالوانهم واذا دخلنا الصيدليه شرى لي كريمات تبييض

واخر مره وداني لمركز تجميل البشره وقالها لي. قال غيري وجهك خلي الدكتوره تفتحه لك وحطي خدود لك واوفعي حواجبك تعدلي صدددددمني لما قال لي كذا واعطاني 4000 الاف ريال المشكله انا ماشووف في نفسي اي عيب ليه هو ينظر لي بتقزز


انا حامل ببنوته وبعد شهر باولد لما درى انها بنت قال يارب عسى ماتشبهك عسى تطلع لي ماحملتي لي غير بنت كنت ابي بولد صددددمني حييييل طيب هذا من الله وعطايا ربي

تاثرت نفسيا مافرحت للبنت من عقب كلامه وصرت موسوسه يوميا اطالع لنفسي بالمرايه
واحس اني ابشع وحده على الارض كرهت عيوني ووجهي ولوني كرررهت شكلي وكل شي
انا مافيني شي يعيب بي بس انا عاديه جدا صح مافيني جاذبيه بعيونه لان اليوم اكتشتفت انه راح للدوام ونسى جواله وحبيت اشووف وش بجواله هو ماعمره قفل جواله بس اول مره يدفعني الفضول افتح جواله


لقيته مسوي مع جماعته قروب خاص بالمزز على قولتهم وموسلين صور بنات ايه بالجمال بالبياض بالشكل بالعيون بالشعر ومقاطع رقص خاصه شكلها لاصحابه مع بنات حلواااات جدا

واحس اني انصعقت وبكيت اشووف زوجي ليه طفشني بلسانه بدقاته طلع عنده من يشحنه


ولقيت له محادثه خاصه مع واحد يقول تعرف بنات مزز حلوات يقول لا يقول الا تعرف بس ماتبي تعطيني


انا تعبت نفسيا من قبل ادري بجواله ومن بعد مادريت


انا متضايقه بالحيل امه تعرف انه يعاملني بجفاء وقسوت وصابره عليه ودايم اشوفها تحاسبه عشان يرحمني


انا حزينه من شي واحد بس دام هو كان من اول يحب الجمال ليش ماشرط الجمال مافيها شي اصلا هذا حقه تنكح المراءه لجمالها حديث عن الرسول


بس حرام طول العشر شهور يكسر بمجاديفي ويلوي ذراعي بكلمه مزز لما يشوف شي بالتلفزيون يقول مززه او كذا


يمكن انا مو حلوه صح وهذي خلقه الله لي بس تازمت بحياتي معاه


لي اخوات لما يروحون مكان يكشخون ويتضبطون الا انا ماحب اتزين لما يسالوني ليه وش فيك اقول لا عادي انا احب كذا خلاص تزوجت ليش اتزين وانا اشوف حريم بحفلات متزوجات وكاشخات وهن عاديات اتازم من وضعي
والله انا يمكن بعيونه مو حلوه بس خلاص عشش الفكره براسي

انا مو حلوه انا سمرا انا عاديه بس مادري وش اسوي

امنيه حياتي ترجع الدنيا لورى ماتزوجت اصلا وضعي لما كنت بنت مع اهلي حلو جدا محترميني ومقدريني وماسمعت شي يضايقني


انا الحمدلله محافظه على بيتي ونفسي والصلاه وماقص. بخدمته وهذا الشي مايغتي الرجل عن انه يطلب جميله


اللي يبي جميله يقول ابي جميله وكذا لا ياخذ البنت ويحسرها بشكلها


زوجي مو بس وقفت على هذا لقيته يكلم بنت بجواله ومرسله صورها له حلوه وشعرها كثير ويمدح بجمالها ويسخط بالحريم اللي ماعندهم جمال

حتى ماقدر اواجهه بخيانته لانه يبي الجمال


انا ماقدر اعلم اهلي بمشكلتي عشان الجمال اللي يبيه ولا اقدر اسولف على احد من اخواتي طرحت لكم مشكلتي تساعدوني


انا مالي الا سجادتي اصلي وادعي ربي يهديه ويسخره لي ويحببني بقلبه وبقلب بنته اللي مايتمنى انها تبشهلي