السلام عليكم
انا من قبل فضفضت عن ولد اختي وانه عندي وامه تدرس بعيد عنه وابوه بمنطقه بعيده كثير وانا اتعب بسبب خواتي انه مايعاملونه زين واتعب كثير بجيتهم لانهم تاركين عيالهم علي المهم
اختي تخرجت الحمدلله وابوه نقل قريب وخواتي تحسنت معاملتهم مع ولد اختي بس انهم جافين معاه بس تحسنوا من ناحية النظرات كانوا يخزونه ويرمون كلام عليه
بس الحمدلله اهم شي انهم تحسنوا
********************
المهم انا السبب اللي يخيلني افضفض بالمنتدى اني ماعندي احد افضفض له ولا عندي صديقات وحتى لوكان عندي مستحيل اتكلم عن اهلي . هنا افضفض لان مافي اي شخص يعرفني
بقولكم عن شخصيتي
انا خجوله كثيير بشكل موطبيعي مع الناس وحتى مع اقاربي من اكبرهم الى اصغرهم حتى الطفل اخجل منه
عمري بالعشرينيات تخرجت بتخصص ادارة مالية
عيوبي كثيره
عصبيه وانفعاليه وحساسه
انا قبل اختي ماتتخرج جلست مع اختي الثانيه وقلت انتي ماتعاملين الولد زين ولاحتى امه وهم ماسووا لك شي عاد هي عصبت حيل وانا عصبت جلسنا نتهاوش وانااخاف منها كثير بس لاني انفعاليه انفعلت
بعد ماصارحتها ومشت بكيت بشكل موطبيعي ونحفت بيومين بشكل موطبيعي وشعري طاح وانا اتروش ينلف الشعر بيدي كانوا اهلي مسافرين وانا بالبيت مع اخوي
وندمت اني صارحتها اهي ماتتقبل احد يغلطها بشي اهي طيبه وملتزمه بس عصبيه وتغار من اختي
وقلت مستحيل اصارحها مره ثانيه
البارح خواتي مجتمعات انا انفعلت بموضوع اهم يتناقشون عليه انا ماكنت اتناقش معاهم بس هم جابوا طاري ابوي انه مقصر بالصغر معانا قلت اي هو صحيح قصر بس عوضنا بالكبر مامداني اابي اكمل كلامي الا اهي تهز راسها بطريقه تقهر كانه تستهزا بكلامي وانا انفعلت قلت لها ليش يعني تهزين راسك كذا وقامت توجهه كلامه لغيري تقول شفتيها اهي كله كذا ترمي كلام علي انصدمت انا لاني ماسولف معاها كثير شلون ارمي كلام قلت لاهلي انا ارمي عليها كلام متى انا ماذكر غير مره تهاوشنا شلون صار كله ارمي عليك كلام وهي ساكته وخواتي اوقفوا بصفي قالوا اهي دايم تفزع لامي وابوي حتى معانا وجلسنا هواش
المهم اناانهيت السالفه وقلت انا ماقصدي شي من الكلام اللي قلته اني اتهمك بشي بس انفعل كثير بموضوع يخصهم وانا متقصده اقولها كذا جنب الكل اني مااقصد شي لانها تضل شايله الموضوع سنين ماتنساه بعدها كلمتها طبيعي وهي رجعت طبيعيه
بس المشكله اني اضحك معاها بس بداخلي ابكي وافكر شلون تقول عني شي انا ماسويته وبعد قايله لاختي الكبيره عني من قبل لانها اهي الوحيده اللي وجهت لها الكلام
وانا احس من قبل انها ماترتاح معاي
انا احس بضيق مو طبيعي احس الكل معتبرني اني اسبب مشاكل
واللي مضايقني اكثر اني ماعندي احد قريب مني وخجلي مدمرني زرت دكتور نفسي قال ماعندي مشكله نفسيه بس رهاب اجتماعي وعلاجي جدا صعب لان متطوره وكبيره ولارضيت اروح له مره ثانيه لاني خفت كثير
بتقولون ليش ماتتزوجين
بقولكم فكرة الزواج مستبعدته ولا اقدر اتقبل اني اطلع من البيت والكل يجلس يتكلم علي اني تفكيري غلط ونسوا اني خجوله وعندي رهاب حتى الدكتور قال مايناسب اني اتزوج الا لما اتعالج لان الزوج مستحيل يتقبل خجلي
وبس