اسولف بك مع اشواقي ونبض الشوق لك مشتاق
وأزين ليلي بصوتك وصوتك ملهم اشعاري
كتبت اسمك بأول كتابي وحبيتك من الأعماق
واشوفك ماخذ قلبي وكلك ماخذ افكاري
باعبرلك عن اشواقي واشوفك اصدق الأشواق
واشوفك يابعد روحي حبيبي وأجمل أسراري
سكن حبك هوى فكري وبعدك شي ماينطاق
أنا دونك حبيبي شي ماله اسم او طاري
بدت ايامي تتفاءل وعطر السعد لي يشتاق
معك انسى هالدنيا وانت جنتي وناري
عشانك احرق همومي مثل ماتحترق الأوراق
عشانك اوقد شموعي تضوي دنيتي وداري
عسى ربي يسلمنا حبيبي من ألم الفراق
وإذا كانت محبتك شقا فهذي اقداري
واذا ضاعت عناوينك حبيبي الشوق لك ينساق
ترى كلك عناويني ودروب الشوك ازهاري
حبيبي وحبي الأول تراني لشوفتك اشتاق
ابيع إللي بها الدنيا وأجي لك للوصل شاري
احبك واعشقك والله كثر ماقالوا العشاق
احبك يابعد كلي حبيبي ومشغل افكاري
اسولف بك مع أحلامي واسولف بك مع الأشواق
وأزين حرفي بحرفك واحطك بأول اشعاري