كل مايزورني طيفك أتفاداه
وأبني على أرض النسيان الحصون
وكل مازاد بجيش قلبي قتلاه
حلف جنده عن طيفك ما يستسلمون
ماخافوا الحزن ولا حتى الآه
وتظنين انهم بحرب طيفك يخافون
قلبي عنده من الجرم ماخلاه
ب إجرامه يوصل ب خصومه للجنون
لكنه مايخاصم طيفك ولولاه
مايعيش الحلا في جمالك والعيون
ونقطة ضعفه يحبك وإن جاه
طيفك يحاول يتفادى منه الفتون
هذاك الطيف الي من حلاياه
إقتلع من بساتيني جذور وغصون
تركها تراب وسماها صحراه
ومصيرها ب الضما للموت ب تكون
أطعمها السم في حلو غذاه
وانتشى ب قتله و المشاعر تهون
داهم القلب والحصار سماه
حصار المشاعر في القلب الحنون
نسى طيفك ذكرياتي بلقياه
وتناسى حنيني ويا ترى من أكون
حاربني لأن ما أقدر أنساه
وبلحظات يقلب مقاومتي له سكون
وطيفك ياحلوتي ما أقواه
ويعرف يراضيني ويعرف كيف يخون
مابي طيفك ولكنني أفداه
يعني بالحالتين توصلني الطعون
وتركتيني مثل طفل بحصاه
ورماها في بحر والناس يناظرون