يسعدكم ، و شكراً على رفع المعنويات و التشجيع ،،
انا معكم اشوف اني امشي دايم مع نفسي دائماً في الامور الشخصيه ،،
اول شي اريح نفسي بعدين اريح اللي حولي ،،

لكن لما يتعلق الامر ، بخصوص العمل ،،
اني أُخيّر بين مكانين ،، وظيفه ابيها من زمان و مافيه فرصه الحين اني انحط فيها ،،
و وظيفه متخوفه منها ، و فيه فرصه اكون في هالمكان ،،
لكن لما اوافق على الخيار الثاني و انا عارفه اني راح انجز فيه ،، راح يكون من صالحي ،،
ما اخفيكم اني اليوم كتبت السلبيات و الايجابيه عشان ارد عليهم بكره ،،
و كتبت كم وظيفه مسكت من يوم توظفت ،، للامانه احس بفخر و انجاز و لازم يكمل هالشعور معي
و طبع التحدي فيني يخليني اقبل باللي اخاف منه عشان اكسر حاجز الخوف ،،


صار عندي ٦٠٪ ايوه ، و ٤٠٪ لا
انا من الحين الين بكره بـ اكرر " لا حول و لا قوة الا بالله "
و اكثر من الاستغفار ،، عشان الله ينور بصيرتي ،، و بكره اعطيهم الرد النهائي ،،


تعرفون : ما احب احتار في شيء ،، الشيء اللي احتار فيه ،، احاول ارد او اتصرف بسرعه عشان ما اطول محتاوه