فدى عينك فدى رمشك فديته خدك البراق
فدى قلبك فدى صوتك فديتك لاتخليني
أبي منك تعاهدني تصون العهد والميثاق
ومثل ماأبكي على فراقك أبي لاغبت تبكيني

أنا كلي بعد صدك تراني مو وله وأشواق
ولامن نمت بفراشي يجي طيفك يصحيني
دخيلك لاقسى همي علي وصار بالأعماق
أبيك أرجوك ياعمري من الأخطار تحميني

أبي أحلف لك وصدقني ترى جمر الوله حراق
تصدق عيشتي مره عقب ماغبت عن عيني
أنا المرضان وعلاجي أبي منك لقى وعناق
حرام الصد ياظالم حرام أنك تجافيني