وعليكم السلام ورحمة الله وبركاته

بسم الله راح ابتدي اعطيك افكار ان شاء الله تحبيها وبتحصلي في اليوتيوب افكار كثيره
وعبر قوقل مايتناسب مع ذائقتك سجليه ونفذيه وبعطيك فكره خطرة ع بالي

1- تحصني وتوكلي ع ربي انتي سويتي عرس لجل تعزمي الناس واللي عزمتيهم ولبو الدعوه لزوم يشوفوكي
فعيب تستدعين الضيف وماتظهرين للها
مدري ليه بعضهم يعملو عرس وسهره كامله والعروس متخبيه في غرفتها المخصصه بالقصر
تقولون احد بيخطفها عليها حراسه وشوله العرس من بدايتو
العين حق والانسان يحسد نفسه فلانعتب ع غيرنا تحصني وتوكلي ع ربي ولاتهتمي
مكتوبك راح تاخذينه لو انتي ببطن حجر
2- تجنبي انتي وخواتك بذات من رفعة الخشم والتكبر ع الحضور وكانكم ماتشوفوهم اجل وشوله عزمتوهم
من الاساس انبسطي وبينو ابتسامتكم لجل تظهر بساطتكم وروحكم الحلوه
3- تجنبو الـ(( اورق )) في فرحك للامانه يدوش الاذن ويرج القلب متعب ومكروه انتي عزمتي عدد كبير ناس تحب
الاغاني ودوشتها وناس لا خلو ربي يبارك لكم بهذه اللليله
4- الزفه لاتخليها بتصوير فديو لجل ماتنحرمي من لحظة دخولك وتركيزك ع الكاميرا اثناء الزفه
يعني تصوري انتي وزوجك بالغرفه كفايه وقت الزفه تعيني للجمهور اقصد الحظور تبتسمي لصحباتك وتأشري لهم
تتميلح مثل ماتبين احسن بكثير من تقييد الكاميرا لمن تكون امامك
5- الزواج يختلف من منطقه لثانيه احب الزواج لمن يكون بدري ويخلص ع 2 كفايه
6- بخصوص العشاء حسب تقاليدكم المعتاده بالطبع بس وفري اطباق لحفظ الباقي من الاكل تكون ع طاوله
لجل ينحط بها باقي الاكل وبكذا ماتنكب النعمه
7- نقطه مهمه لازم تنتبهي عليها فستانك لازم يكون وانتي لابسه الكعب ع حد الارض مباشره
مو اطول من كذا لجل مايعيقك وانتي تمشي وتبي وقتها احد يكون معك يسحب الفستان من تحتك وتخرب زفتك
لانك بتكوني هامه بالفستان اكثر من اي شيء ثاني المفروض تركزي عليه وتكوني طبيعيه

نجي للحين للزفه
هذه مجرد فكره وتوجد اعداد كثيره للزفات
جيبي بالونات اكسجين تكون ع شكل قلب مجموعه بلونين حسب لون القاعه وفستانك يعني ابيض ولون دخيل
لو مثلاً ابيض واحمر تكون مترتبه ومربوطه بفيونكه تمسكيها بدل المسكه مغطيه فيها وجهك مجموعه كبير
موسيقى فتح الباب مع فتح باب الغرفه
تخشين ع الناس وتمشين بهدوء وانتي ماسكتها بحيث تغطي وجهك تنزلين مع الدرج وانتي بنفس الحركه
المسكه تكون مع اعز صديقاتك او طفله من العائله تكون ع الكوشه
انتي لمن توصلي نهاية الدرج تفكي الفيونكه اللي مجمعه البالونات هنا تطير البالونات لفوق ووقتها اللي ماسكه المسكه تتقدم الك
توصل اللي ماسكه المسكه وتسلم عليك وتديكي المسكه
يجو اربع طفلات لابسين ابيض ثنتين امامك وثنتين خلفك يكملو الزفه معك للكوشه
طبعاً اللحظه الاوله ع موسيقى هادئه
بعدها تحطي شعر او اغنيه ماتكون دوشه وتخلي الخلق يرقصون
وتمشيء للكوشه وانتي توزعي ابتسامتك ع يمين ويسار
طبعاً الاضائه مطفيه من بدايت نزولك لحين وصولك ع الكوشه فقط اناره كبيره تكون عليك
لمن توصلي ع الكوشه يكون مجهزين لك قاتوه تشتغل الانوار وقتها ويشغلو الوان ليزر وتقطعيه يكون حولك صحباتك
اذا مافيه بنات العائله وترقصو مع بعض ووقتها تجلسي ع الكنبه
تستقبلي تباريك الجميع بابتسامه ودعوات لهم

الطاولات تكون عليها ضيافه منوعه ومرتبه شموع وورد
اطلبي من القصر عاملات لجل يرتاحو خواتك من سالفة الضايفه ويقوم بها العاملات

بعد ماتنهتي الليله ويزفوك لمن تكوني ع الدرج وانتي طالعه ترمي المسكه للخلف يكونو اللي زافينك خلفك
بعد ماتمسكها اي وحده راح يجيبوها خواتك
والله يحفظك

العريس افضل شيء يدخل بالنهايه ياخذك ويروح
واذا حابه من البدايه ينزف معك بتزيدي عدد البالوانات لجل تغطي عليك وعليه لين توصلي اسفل الدرج
وحسب عادتكم اذا يدخل العريس او لا

اما الاغاني تبع الزفه مايخطر ببالي حالياً حطي اغاني هادئه بدقتها كونها زفه ناعمه مو ربشه حق رقص
اذا ماسويتي حفلة توديع العزوبيه وقت تقطعي القاتوه شغلي اغنيه لتوديع العزوبيه

بالتوفيق اتمنا لك السعاده ويارب فرحك يكون حلو وانتي حلوه وتزين ليلتك مثل ماتبين وتتمنين يارب

تقبلي ردي وعبق وردي مع خالص احترامي
آسيرة حرف