يا عذابي لا فقدت اللي قتلني بالعيون
العيون اللي حياتي ما تعيش بدونها
غسليني بالدموع وكفنيني بالجفون
وادفنيني في العيون السود وإلا نونها
اكتبيني في حياتك قيس عشاق الجنون
وأكتبك في القلب ليلى عذبت مجنونها
الحشا لك شجرتن وعروق قلبي لك غصون
يا بعد صوت الطيور اللي تجر لحونها
دونيني حلمك اللي ما تخيبه الظنون
آه يا بعض النفوس اللي تخيب ظنونها
كم على شانك تحملت الخناجر والطعون
بس وقف والامانه سلمت مامونها
والتجارب علمتني بالمحبه وش تكون
قبل احبك ذوقتني موتها وطعونها
وأجبرتني ما تعدى همست الصوت الحنون
لو حياتي بعدها وإلامماتي دونها
والوداع أخير من حب يعيشني بدون كلمتن
لأهل الهوا ما ينعرف مضمونها
وأشعليني شمعت العشاق للي يشعلون
شمعتن ما تنطفى لي في سواد عيونها