ياناس ياللي تلوموني على وجدي و وناتي
لا احدن يلوم المفارق من سبايب زود وناته
ما شاف من صده الا حر دمع وبان شماتي
ولا شفت من صده الا ضحك سن وغاب شماته
لو كان تكفي دموعي مازودت حسراتي
و اللي مزود عذابي جرة العبرة تنهاته
يجبرني الشوق يوم اصد منه في تلفاتي
و خلى عيون المولع تسكب الدمعه تلفاته
الجفن ساهر وعيا الجفن في فرقاه ماباتي
عله يعاود يشاهدني لذيذ النوم ماباته
وشلون ابسلى مادام اني اشوفه هو سلواتي
ومن وين ما اصد احس اني على كل اتجاهاته
فقدت حسه وصوته واتحرا حزة وفاتي
والشوق غلاب يا شوق كسر صبري بضحكاته
ما عاد لي حيل في كثر الحكا يكفيني اسكاتي
خلوا جريح الهوا يا ناس يسلى في مناجاته
البارحه مر لكنه على خطوات عجلاتي
كني تشاليت لين اقفى وقمت اقص خطواته
يااهل الهوا جعل من له في المحبة درب اشتاتي
يسمح العوج له ربي لعله يجمع اشتاته
كله لجل عين من له بالمحبة جات كلماتي
يالله عسى توصله من خاطر وده بكلماته
وياناس يكفي ملامه واتركوني بين لوعاتي
ولو كان ودي لعيش العمر كله بين لوعاته